Praza Maior 1        988 388 100

Atopar
Buscador Concello de Ourense

Deportes

Áreas

Cartel de Correndo X Ourense

O circuíto de carreiras populares Correndo por Ourense ten unha nova cita este domingo, 24 de setembro, coa disputa da carreira do Barrio da Ponte. A proba correrase este ano co lema “Oportunidades Galicia, Corre pola Reciclaxe” e forma pàrte da campaña “Oportunidades Galicia-Separemos Ben, Reciclaremos Mellor”, que promoven Ecoembes, a Consellería de Medio Ambiente e Sogama, para fomentar na cidadanía as boas prácticas no tratamento dos residuos como oportunidade para acadar os beneficios ambientais e económicos derivados da correcta separación e reciclaxe.

Presentación do Torneo Alevín de fútbol.

A cidade de Ourense converterase esta fin de semana en referente do fútbol base internacional coa segunda edición do Torneo Internacional Alevín fútbol 7, Mercedes-Benz Garza, que organizan o Club deportivo Santa Teresita e BeOne coa colaboración do Concello, a Deputación e o grupo La Región.

Complexo polideportivo de Os Remedios.

A Rehabilitación do Subministro de Enerxía Termal para o Pavillón dos Remedios permitiralle ao Concello de Ourense aforrar en torno aos 80.000 euros anuais na factura de Gas Natural. O proxecto da Concellería de Infraestruturas prevé a substitución da actual condución, que discorre desde As Burgas polo lateral do río Barbaña, e cuxo trazado non está definido con precisión debido á súa antigüidade, a través de 1.400 metros lineais cara a unha das balsas do complexo deportivo.

Circuito del Pulpo Extreme

A espectacularidade do Descenso Urbano - Mercedes Benz (DHU) polas rúas do Casco Histórico, evento que dará a saída da segunda edición do Pulpo Extreme, non vai estar rifada coa seguridade. Un amplo dispositivo composto por voluntarios e comisarios da organización, así como con medios sanitarios de emerxencias, vixiará o desenvolvemento da proba para solventar de forma inmediata calquera incidencia que poida ocorrer, e a Policía Local controlará o acceso de vehículos á zona peonil da cidade.

Percorrido do Pulpo Extreme 2017

O Descenso Urbano - Mercedes Benz (DHU) polas rúas do Casco Histórico é o evento de apertura do Pulpo Extreme, que este ano alcanza a súa segunda edición. Transcorrerá pola zona vella da cidade de Ourense, cruzando a Praza Maior e terminando nas Burgas.

Logo do Consello Municipal de Deportes

O Consello Municipal de Deportes convoca axudas que darán apoio a deportistas de Ourense que participen en competicións oficiais de carácter individual. O Boletín Oficial da Provincia do 24 de agosto publica a convocatoria das bolsas, co que se abre un prazo de 2 meses desde o venres, 25 de agosto, no que interesados e interesadas poden presentar as súas solicitudes, no Rexistro do Consello Municipal de Deportes (Avenida Pardo de Cela, 2).

Visita ao campo de fútbol de Palmés.

O campo de fútbol municipal de Palmés loce nova faciana logo do investimento de 9.000 euros que Concello de Ourense e Deputación Provincial efectuaron no mesmo para arranxar o piso do campo de xogo e a mellora do cadro eléctrico. O concelleiros de Infraestruturas e de Promoción Económica, José Araújo e Jorge Pumar, este último actuando como vicepresidente do ente provincial, reuníronse esta mañá coa nova directiva do CD Palmés para revisar o estado das actuacións.

Cartel do Campionato Galego de Boxeo

O Consello Municipal de Deportes presentou  as finais do Campionato Galego de Boxeo, unha cita que terá lugar este sábado ás 20:00 horas na cancha central do Pavillón dos Remedios de Ourense. Logo de varias xornadas de clasificación, os púxiles galegos fóronse clasificando ata conseguir chegar á cita do sábado, segundo explicaron o concelleiro de Deportes, Mario Guede, e Manuel Míguez, do Club Olimpos, co organizador do evento.

Campo de fútbol de Seixalbo

O Concello de Ourense decidiu acometer coa maior prioridade os traballos de explanación e retirada de pedras do terreo de xogo dado o estado de deterioro no que se atopaba. Para acometer esta obra contouse coa inestimable colaboración da Deputación de Ourense.

Visita as instalacións do campo de Oira

Unha inversión de 421.000 euros permite o reemplazo do pavimento sintético dos campos de fútbol de Oira e Os Remedios e a súa adecuación para a obtención da certificación FIFA Quality Pro. Os traballos están en marcha e prevese que rematen no mes de agosto. O alcalde, Jesús Vázquez, e os concelleiros Mario Guede e Carlos Campos visitaron esta instalación no campo de Oira.