Praza Maior 1        988 388 100

Atopar
Buscador Concello de Ourense

Educación

Áreas

Programación das Actividades de Verán

O luns, 3 de xullo, dáselle inicio ás Actividades de Verán ofertadas polo Concello de Ourense para nenos e nenas da cidade. As previsións da Concellería de Educación apuntan a que participarán máis de 600 rapaces e rapazas con idades comprendidas entre os 4 e os 12 anos. As actividades levaranse a cabo durante os meses de xullo e agosto nos seguintes espazos lúdico - educativos da cidade: a Aula da Natureza de Oira, as Bibliotecas Municipais e en catro centros educativos: Os CEIP O Couto, Irmáns Villar, A Ponte e Mestre Vide.

Cartas da programación de verán

A Concellería de Educación do Concello de Ourense axudará á conciliación das familias ourensás durante as vacacións escolares de verán cun programa de actividades para nenos e nenas que se desenvolverán en colexios, bibliotecas municipais e Aula de Natureza. O Concello oferta este ano 600 prazas para rapaces e rapazas con idades comprendidas entre os 4 e os 12 anos, que poderán participar en actividades de marcado carácter educativo, en diferentes zonas da cidade. 

Actuación das orquestras infantís

A Escola Municipal de Música do Concello de Ourense en colaboración coa ONCE ofrecerá o venres, 2 de xuño, un concerto para escolares con problemas de visión. Será “O concerto dos sentidos”, un concerto especial de achegamento á música e ás distintas especialidades instrumentais que se imparten no centro, dependente da Concellería de Educación. Será ás 17:000 horas, na escola, sita na rúa da Canle.

Presentación de "Máis alá das nubes"

O Concello de Ourense anima aos escolares da cidade a gozar do pracer da lectura nunha nova edición, xa a número 28, da Exposición da Campaña de Animación á Lectura, que acolle o Auditorio Municipal. A concelleira de Educación, Belén Iglesias, presentou a mostra, co título “Máis alá das nubes”, que recibirá a visita de alumnado dos centros educativos da cidade de luns a venres, de 9 a 14 horas, ata o día 12 de xuño. Na xornada de hoxe foron medio centro de alumnos e alumnas do CEIP Curros Enríquez os que a visitaron.

Nenos na exposición sobre Vento Ferido, no Auditorio

O Auditorio Municipal acolle ata o día 16 de xuño a exposición realizada por escolares do CEIP José García García Mende co gallo das Letras Galegas 2017. A mostra, que se presentou esta mañá, réndelle homenaxe a Carlos Casares e recolle o traballo realizado por alumnos e alumnas deste centro que ilustraron tres contos da obra “Vento Ferido”, do escrito ourensán. Cada escolar elixiu un momento do libro e elaborou un gravado coa técnica da linografía, facendo a matriz e a edición no obradoiro da aula de plástica.