Praza Maior 1        988 388 100

Atopar
Buscador Concello de Ourense

Medio Ambiente

Áreas

Botánico de Montealegre

O luns 13 de novembro, festivo local en Ourense, as instalacións do parque botánico de Montealegre permanecerán abertas. Malia ser o día de descanso dos traballadores das instalacións, e debido ao carácter festivo do día, estas permanecerán abertas no horario habitual de fines de semana: de 10:00 a 18:00 horas. O motivo, que a cidadanía de Ourense poida gozar do día libre en contacto co medio ambiente e dar un paseo polas súas instalacións.

Folleto con consellos para aforrar no consumo de auga

Ante a alerta por seca activada o dia 5 de outubro pola Confederación Hidrográfica Miño Sil e que afecta ó Concello de Ourense, a Concellería de Infraestruturas e Medio Ambiente en colaboración coa empresa Concesionaria do servizo de abastecemento e saneamento, Viaqua, poñen en marcha una serie de actuacións con carácter inmediato para evitar futuras restricións na subministración de auga na cidade.

Actividades do Botánico

Debido ao éxito de participación e de inscrición en dúas das actividades do Botanico de Montealegre, que esgotaron as súas prazas, o Concello ampliará esta actividade aos vindeiros 15 de outubro e 26 de novembro respectivamente.

Actividades Botánico

O Concello de Ourense, co ánimo de poñer en valor un dos seus espazos verdes máis senlleiros, organiza no parque Botánico de Montealegre durante unha vintena de actividades para todos os públicos durante o último cuadrimestre do ano. “Queremos achegarlles aos ourensáns o seu medio natural máis próximo e, ao mesmo tempo, fomentar o Parque coma un espazo ideal para compartir o lecer en familia”, comentaba o concelleiro de Medio Ambiente, José Araújo, na presentación das actividades.

Alameda do Concello.

O alcalde de Ourense e o concelleiro de Medio Ambiente e Limpeza trasladáronse até a contorna da Igrexa de Portovello (As Lagoas), unha das zonas que se ampliou co novo contrato, para comprobar os medios materiais e humanos cos que traballará Valoriza. Con 100.000 m2 máis que co contrato anterior, as brigadas municipais quedarán liberadas para outras zonas da cidade. Tamén serán responsables do estudo da saúde e da substitución do arboredo.

Concello de Ourense

O Concello actuou na praza de Bispo Cesáreo realizando unha tala preventiva de árbores logo da caída dun exemplar a noite do 24 de agosto. Por motivos de seguridade para as persoas, 10 árbores foron talladas durante a mañá, e a previsión dos técnicos é facer o propio con outras seis unidades ao longo da vindeira semana. Posteriormente realizarase unha poda de seguridade nas árbores que presenten pólas secas para evitar riscos sobre as persoas e as cousas. Ao igual que ocorreu na praza de San Marcial, realizarase un estudo para a substitución paulatina das especies arbóreas.

A árbore caída na Praza de San Marcial.

O informe de análise de risco do arboredo na praza de San Marcial, coñecido na mañá do 24 de agosto na Concellería de Medio Ambiente, recomenda unha intervención preventiva que evite situacións de risco. Logo dun estudo pormenorizado de cada un dos elementos, o informe realizado pola empresa concesionaria das zonas verdes de Ourense propón a tala de catro das árbores -a maiores dos dous que xa foran apeados o pasado luns-, xa que se atopan en estado de podremia, e unha poda de seguridade do resto das árbores para evitar riscos sobre a poboación e as cousas.

A árbore caída.

O Concello de Ourense pechará o acceso á praza de San Marcial, de forma preventiva, para analizar a saúde das árbores da mesma logo da caída dun exemplar na mañá do 21 de agosto. “Desde a Concellería de Medio Ambiente realizaremos un estudio de todas as unidades que se atopan na Praza, para valorar se existe algunha patoloxía ou é preciso realizar algún tratamento preventivo adicional”, aseguraba o concelleiro de Medio Ambiente, José Araújo.

Plaza Mayor de Ourense

O Boletín Oficial da provincia de Ourense publicou o xoves, 20 de xullo, a resolución do Concello de Ourense polo que se anuncia o concurso para a selección do nome-logotipo para a mellora da calidade ambiental e a mobilidade: Pacificación do tráfico e integración da bicicleta no centro urbano de Ourense.

Praza Maior de Ourense

O concelleiro de Medio Ambiente, José Araújo, entregoulles aos membros da Xunta de Área de Medio Ambiente unha copia da ordenanza vixente, co fin de que aporten propostas coas que consensuar unha modificación nesta normativa, co fin de adaptala ás necesidades de uso actuais