Responsive image 26-05-2022
Responsive image 988 388 100
Responsive image 09:00-14:00
Responsive image Praza Maior, 32005 Ourense

A Concellería de Participación Cidadá pon á disposición das asociacións veciñais 119 proxectos formativo-participativos

3 de xaneiro de 2022 - 12:22

Encaixe de bolillos, iogapilates e zumba son os máis demandados


Imagen de noticia

O Concello de Ourense, a través da Concellería de Participación Cidadá que dirixe Flora Moure, oferta 119 cursos para desenvolver durante este ano nas asociacións veciñais, considerando as solicitudes formuladas por estas entidades.

O noso compromiso coa participación cidadá e o movemento veciñal refórzase coa oferta destes cursos tan demandados, logo de que a semana pasada aprobásemos os convenios de colaboración coa Federación Limiar e a Agrupación Miño para que poidan continuar coas súas actividades e funcionamento”, sinala a concelleira Flora Moure.

Encaixe de bolillos, iogapilates e zumba son os máis demandados, así como ximnasia de mantemento, pilates, memoria, iniciación á pandeireta e canto, informática básica e uso do móbil, arte floral e restauración de antigüidades e manualidades. Os cursos darán comezo este mes de xaneiro se as condicións sanitarias por mor da pandemia así o permiten.