Responsive image 26-05-2022
Responsive image 988 388 100
Responsive image 09:00-14:00
Responsive image Praza Maior, 32005 Ourense

O alcalde explícalle á agrupación Miño o funcionamento do futuro servizo de autobuses na periferia de Ourense

14 de outubro de 2021 - 10:10

O alcalde de Ourense, Gonzalo Pérez Jácome, recibiu esta mañá na Alcaldía unha representación da Agrupación de Asociacións de Veciños do rural e da Periferia de Ourense, Miño. Na reunión, catalogada de amena e frutífera por ambas partes, falouse no novo sistema de autobuses que se pretende implantar no Concello, e que manterá o servizo que se lle presta á periferia, “se non é que se mellora”, en palabras do rexedor.


Imagen de noticia

O alcalde de Ourense, Gonzalo Pérez Jácome, recibiu esta mañá na Alcaldía unha representación da Agrupación de Asociacións de Veciños do rural e da Periferia de Ourense, Miño. Na reunión, catalogada de amena e frutífera por ambas partes, falouse no novo sistema de autobuses que se pretende implantar no Concello, e que manterá o servizo que se lle presta á periferia, “se non é que se mellora”, en palabras do rexedor.

O actual sistema, explicou Pérez Jácome, está deseñado para a periferia da cidade e deixa o núcleo urbano á marxe: “Non se está a aproveitar o potencial do autobús”, mantén o alcalde. É por iso que a nova ordenación manterá as mesmas prestacións na periferia da cidade pero revolucionará o transporte para os cidadáns do núcleo urbano.

Plan de obras

Ademais do novo sistema de autobuses, os representantes da Asociación Miño interesáronse polo calendario do plan de obras. Desde a Alcaldía informóuselles do que se está a executar e facilitóuselles un contacto da Concellería de Infraestruturas para calquera consulta.