O alcalde recibe a Roberto Carlos Rodríguez, artista ourensán premiado nun concurso internacional de pintura

O alcalde de Ourense, Gonzalo Pérez Jácome, recibiu esta mañá no Concello a Roberto Carlos Rodríguez Montero, artista ourensán que recentemente foi premiado nun concurso internacional de pintura cunha acuarela da rúa do Paseo.

Trátase do Concurso de Pintura para o ilustrar o calendario “Joy and happiness” (Ledicia e felicidade) Hahnemühle 2022, no que participaron máis de 500 artistas de 47 países, que presentaron máis de 1.300 imaxes.

A obra de Roberto Carlos Rodríguez foi a elixida para ilustrar o calendario no mes de outubro.

O alcalde adquirirá algunhas unidades deste calendario para atencións institucionais.

Hahnemühle é una empresa alemá de fabricación de papel con 425 anos de historia especializada na fabricación de soportes para a creación artística. Os seus produtos son altamente apreciados en 130 países en todo o mundo. Con sede en Dassel, na rexión sur do estado federado alemán da Baixa Saxonia, dispón de filiais en Reino Unido, Francia, Estados Unidos, Singapur e China.