Responsive image 29-06-2022
Responsive image 988 388 100
Responsive image 09:00-14:00
Responsive image Praza Maior, 32005 Ourense

O Concello abre até o 6 de maio o prazo para solicitar as axudas para libros e comedores escolares

18 de abril de 2022 - 12:05

A convocatoria a realiza a Concellería de Asuntos Sociais e conta cun orzamento total de 294.250 euros


Imagen de noticia

O Concello de Ourense abre desde hoxe, luns, 19 de abril, até o venres, 6 de maio o prazo de solicitude das axudas para a compra de libros, material escolar e comedores escolares. As familias interesadas poden consultar toda a información e obter os impresos na páxina web do Concello e presentar as súas solicitudes a través do Rexistro Xeral do Concello e demais formas previstas na Lei 39/2015.

A convocatoria, que realiza a Concellería de Asuntos Sociais, conta cun orzamento total de 294.250 euros, dos que 269.250 euros están destinados a comedores escolares e 25.000 para libros.

As axudas están dirixidas a unidades de convivencia en desvantaxe social e con menor poder adquisitivo residentes no Concello de Ourense que, na data en que remate o prazo de presentación das solicitudes, cumpran os requisitos de estaren empadroadas no concello, cunha antigüidade mínima de tres meses, todos os membros da unidade de convivencia, e non superen os 4.000 € de renda per cápita anual, no caso das axudas para libros e material escolar, ou os 3.700 no caso das axudas para comedores escolares. Computarase un membro máis no caso de presentar algún deles unha discapacidade igual ou superior ao 33%, e tamén no caso de ser familia monoparental.

Máis información e modelos de solicitude na seguinte ligazón da Sede Electrónica do Concello.