Responsive image 29-06-2022
Responsive image 988 388 100
Responsive image 09:00-14:00
Responsive image Praza Maior, 32005 Ourense

O Concello de Ourense e Agrupación Miño alíanse para o fomento da plantación de árbores entre a veciñanza

12 de abril de 2022 - 13:57

A Concellería de Medio Ambiente sigue a traballar nas campañas de sensibilización ambiental entre a veciñanza. Nesta ocasión, en colaboración coa Agrupación Veciñal Miño, lanza un programa de fomento de plantación de árbores no rural da cidade de Ourense


Imagen de noticia

A Concellería de Medio Ambiente sigue a traballar nas campañas de sensibilización ambiental entre a veciñanza. Nesta ocasión, en colaboración coa Agrupación Veciñal Miño, lanza un programa de fomento de plantación de árbores no rural da cidade de Ourense.

O concelleiro de Medio Ambiente, Jorge Pumar, considera as actividades de sensibilización ambiental como “un piar básico para construír o Ourense sostible que todos desexamos”. Para elo, afirma Pumar, a Concellería de Medio Ambiente “está aberta a calquera asociación que conte cun proxecto ambiental de interese para Ourense”.

A actividade do día de hoxe consiste no desenvolvemento do reparto de árbores entre os representantes das 20 asociacións veciñais do rural pertencentes á Agrupación veciñal Miño.

Jorge Pumar e a presidenta da Agrupación Miño, Lorinda Fernández, fixeron entrega de máis de 200 árbores entre a veciñanza comprometida coa súa plantación no espazo rural ourensán. Con esta actividade, ademais de fomentar dita plantación, o Concello ten tamén como obxectivo a loita contra a proliferación de especies invasoras nos bosques do rural ourensán.

Pumar Tesouro afirma que “a plantación de árbores é, sen dúbida, unha das grandes accións que se pode facer contra a loita contra o cambio climático, xa que os árbores convértense en fonte natural de absorción de CO2, ademais de ser unha grande fonte de saúde para todos”. O concelleiro lembra asemade que desde a Concellería de Medio Ambiente que dirixe, estase traballando na replantación de máis de 1.000 árbores nas rúas e parques da cidade.

Por último, o edil Jorge Pumar transmitiu o seu agradecemento aos presidentes das 20 asociacións veciñais do rural da cidade, así como á presidenta da Agrupación veciñal Miño, Lorinda Fernández, pola súa disposición e bo facer no desenvolvemento deste proxecto ambiental.