Responsive image 27-05-2022
Responsive image 988 388 100
Responsive image 09:00-14:00
Responsive image Praza Maior, 32005 Ourense

O Concello lembra aos espectadores que asistan aos eventos que se celebren no Auditorio Municipal o deber de presentar o certificado COVID correspondente

18 de decembro de 2021 - 16:33

O DOG de 17 de decembro establece esta obriga, que podería ser substituída coa presentación dunha PCR negativa nas últimas 72 horas ou un test de antíxenos nas últimas 48 horas


Imagen de noticia

O Concello de Ourense quere recordar aos espectadores que asistan dende esta fin de semana aos eventos que se celebran no Auditorio Municipal (Best Guitar Band, hoxe sábado, Tributo a Frozen: a orixe do xeo e o Musical dos 80 aos 90, mañá domingo) o deber que teñen de presentar o certificado COVID correspondente, unha PCR negativa nas últimas 72 horas ou ben un test de antíxenos nas últimas 48 horas.

Esta obriga afecta a todos os cidadáns maiores de 12 anos.

Esta obriga aparece recollida no Diario Oficial de Galicia de 17 de decembro de 2021 que fai pública a Orde do 14 de decembro de 2021 pola que se establecen medidas preventivas de seguridade sanitaria consistentes na exhibición de documentación que acredite o cumprimento de determinados requisitos para o acceso a certos establecementos.

Ao tempo, convén non esquecer outras medidas sanitarias obrigatorias como o uso de máscara e a limpeza de mans con xel hidroalcólico.

Dende o Concello pedimos desculpas polas molestias que poidamos ocasionar aos asistentes a estes actos.