Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Asuntos Sociais

Áreas

O alcalde de Ourense, Gonzalo Pérez Jácome, e a concelleira de Política Social, Eugenia Díaz Abella, mantiveron unha xuntanza esta mañá co presidente de Cruz Vermella en Ourense, Felipe Ferreiro, coa finalidade de avanzar en proxectos que redunden nunha mellor atención posible ás persoas que máis o precisan.

Nesta xuntanza, a segunda que o alcalde mantén co presidente da entidade, analizáronse tres vías de colaboración. Por unha banda, ambas entidades amosaron a súa vontade de asinar un convenio de colaboración que lle dea apoio ao labor que Cruz Vermella realiza en Ouense, xa que o último convenio asinado foi en 2013. Por outra, reforzar os servizos de apoio e atención ás persoas maiores ou en situación de vulnerabildade que viven soas nos seus domicilios, para o que se traballa na realización dun censo municipal. A terceira vía, estudar as posibilidades de colaboración en relación co centro de día do que dispón Cruz Vermella.

“É incuestionable que temos que traballar conxuntamente para chegar á maior poboación posible, e sobre todo ás persoas mais vulnerables”, sinalou a concelleira Eugenia Díaz, ao remate da xuntanza, que serviu para poñer de manifesto o compromiso do Concello co labor que realiza a Cruz Vermella en Ourense.