Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Comercio

Áreas

Foto co texto da nova

O alcalde de Ourense, Gonzalo Pérez Jácome, anunciou esta mañá unha ampliación das axudas a autónomos e pequeno comercio, así como para reforzar as axudas sociais para as persoas e colectivos máis vulnerables, até os 20 millóns de euros, logo dos 10 anunciados o pasado 20 de marzo. O rexedor ten claro que “nestes momentos o que temos que facer é axudar as persoas e colectivos que se están vendo afectados de xeito especial pola situación de alarma debido ao COVID19”, dixo.

Esta decisión, comunicada previamente aos integrantes do grupo de goberno, estase analizando cos técnicos municipais co obxectivo de “minimizar ao máximo a tramitación burocrática, pois do que se trata é de que chege o antes posible”. Pérez Jácome lembrou tamén que “fomos o concello de España que puxo enriba da mesa a maior resposta orzamentaria, dentro das nosas posiblidades, para tentar paliar unha situación que se agrava coa ampliación do estado de alerta decretado polo Goberno”. Toda vez que os técnicos municipais concreten o proceso, pechando o exercicio económico de 2019, fixarase a contía económica a través de axudas liñais.

O alcalde trasaladoulles aos representantes dos colectivos afectados, en diversos encontros, a receptividade do Concello por adoptar estas medidas, máis alá doutros planeamentos coma os de de modificar o calendario tirbutario, co aprazamento do pago de impostos -IBI e Imposto de vehículos-, ademais de deixar sen efecto o cobro de taxas -veladores-, debido ao peche dos establecementos de hostalaría.

“O mellor trámite burocrático é o que non se fai”, insiste Jácome, que considera que nestes momentos “non podemos poñernos a examinar con lupa a situación dos máis de 9.000 autónomos que hai na cidade”.

O Concello de Ourense pasará de ingresar 0,60 euros a máis de 68.000 euros ao ano pola concesión da cafetería do Xardín Xaponés. Esta mañá tivo lugar o acto de apertura das proposicións económicas das empresas que optaban á adxudicación da xestión da cafetería, e amellor das ofertas presentadas ascende a 68.970 euros ao ano (57.000 máis 11.970 de IVE). As outras dúas foron de 68.389,20 e 63.162 euros, respectivamente.

Desfile de Papá Noel

O venres, 20 de decembro chegan desde Laponia a Ourense Papá Noel e os seus renos. Un evento máxico e único en Galicia. Unha pequena cabalgata con Papá Noel, renos e elfos percorrerá o centro da cidade. Sairá ás 18:30 desde a Policía Nacional e pasará polas rúas Castelao, Cardenal Quevedo, San Lázaro, Santo Domingo, Alejandro Outeiriño e Paseo ata rematar na Praza do Bispo Cesáreo, onde as nenas e os nenos poderán interactuar cos protagonistas do desfile. É unha iniciativa da Federación de Comercio de Ourense e a Concellería de Comercio do Concello de Ourense.

A Concellería de Comercio suma tamén á programación do Nadal de Ourense 9 sesións de videomapping, unha actividade que goza dunha extraordinaria acollida por parte do público ourensán. Serán o sábado, 21, o venres, 27 e o sábado, 4, en 3 sesións cada un destes días, ás 20.00, 20.30 e 21.00 horas.

O Concello de Ourense porá en funcionamento un dos grandes atractivos do inverno: a iluminación de Nadal o vindeiro 5 de decembro as 20:00 horas na Praza Maior. A grande novidade deste ano, segundo puxo de manifesto o alcalde, Gonzalo Pérez Jácome, é que a iluminación chegará a todos os barrios da cidade. Ademáis, a  idea é ir incrementando esta programación para que o Nadal ourensán sexa un referente en toda Galicia. Neste senso, a concelleira de Comercio, María Fernández Dibuja,  adianta que haberá outras novidades que os cidadáns e visitantes poderán coñecer o mesmo día da posta en funcionamiento da iluminación, na que ademais terá lugar unha actuación musical.

En canto ao orzamento, cómpre lembrar que en Xunta de Goberno Local se aprobou adxudicar a posta en funcionamento, mantemento e retirada da iluminación de Nadal 2019-2020, cun orzamento que ascendía a 173.756 euros, á empresa con mellor puntuación de acordo cos criterios do prego, Creaciones Luminosas SL. Neste senso, Fernández Dibuja advirte que iso supón un importante incremento con respecto a anos anteriores, entorno o 80%.

Convenio Praza Abastos

O Concello de Ourense e o Mercado de Abastos número 1 de Ourense veñen de asinar un protocolo de colaboración para a posta en marcha de distintas actividades lúdico-educativas entre os escolares da cidade ao longo deste ano que contribúan á educación para o consumo responsable entre a rapazada, así como para potenciar o desenvolvemento do comercio local.

Pasaporte aos teus soños

O salón de plenos do Concello foi o escenario da entrega dos premios "Pasaporte aos teus soños", dentro da campaña que desenvolveu o Concello durante as festas de Nadal para fomentar as compras no comercio local. 

Foto fachada Concello

O Concello de Ourense potencia o comercio local e fomenta o asociacionismo comercial a través do seu plan de subvencións.

Documentos

Entrega dos premios do Box dos Desexos

O Concello entregou o xoves 11 de xaneiro os premios aos gañadores do sorteo de premios do Box dos Desexos, dentro da campaña do fomento do Comercio Local con motivo do Nadal posta en marcha polo Concello de Ourense coa colaboración de Logitravel, Caldaria Termal e Unión de Hosteleros Ourensanos. O sorteo, segundo as bases do mesmo, realizouse este luns 08 de xaneiro ás 19:00 horas no Salón de Plenos.

Escaparate premiado

O Concurso de Escaparates de Nadal celebrou o 22 de nadal, no salón de plenos, o acto de entrega dos premios aos gañadores da súa vixésimo oitava edición. A farmacia Martínez de Paz, en Francisco de Moure, a panadaría Tito da rúa Mateo de Prado, e Arte 3, en Bernardo Cachamuiña, foron os gañadores na categoría do xurado profesional.

Cartel do concurso de escaparates

A Concelleria de Comercio ven de presentar o XXVIII Concurso de Escaparates de Nadal. Ourense 2017