Praza Maior 1        988 388 100

Atopar
Buscador Concello de Ourense

Comercio

Áreas

Convenio Praza Abastos

O Concello de Ourense e o Mercado de Abastos número 1 de Ourense veñen de asinar un protocolo de colaboración para a posta en marcha de distintas actividades lúdico-educativas entre os escolares da cidade ao longo deste ano que contribúan á educación para o consumo responsable entre a rapazada, así como para potenciar o desenvolvemento do comercio local.

O Concello de Ourense colaborará coa Asociación de Comerciantes e Industriais do Mercado de Abastos dándolles difusión ás actividades programadas a través da Concellería de Educación, co gallo de potenciar a educación dos futuros consumidores.

O calendario de propostas comezará o vindeiro 19 de marzo, con motivo do Dia do Pai. Tamén están previstas actividades o primeiro domingo de maio de 2019, con motivo do Día da Nai; a actividade “Quere o teu mercado”, do 15 ao 30 de maio; e o “Concurso de Cabaciñas”, do 15 ao 31 de outubro de 2019.

Pasaporte aos teus soños

O salón de plenos do Concello foi o escenario da entrega dos premios "Pasaporte aos teus soños", dentro da campaña que desenvolveu o Concello durante as festas de Nadal para fomentar as compras no comercio local. 

Foto fachada Concello

O Concello de Ourense potencia o comercio local e fomenta o asociacionismo comercial a través do seu plan de subvencións.

Documentos

Entrega dos premios do Box dos Desexos

O Concello entregou o xoves 11 de xaneiro os premios aos gañadores do sorteo de premios do Box dos Desexos, dentro da campaña do fomento do Comercio Local con motivo do Nadal posta en marcha polo Concello de Ourense coa colaboración de Logitravel, Caldaria Termal e Unión de Hosteleros Ourensanos. O sorteo, segundo as bases do mesmo, realizouse este luns 08 de xaneiro ás 19:00 horas no Salón de Plenos.

Escaparate premiado

O Concurso de Escaparates de Nadal celebrou o 22 de nadal, no salón de plenos, o acto de entrega dos premios aos gañadores da súa vixésimo oitava edición. A farmacia Martínez de Paz, en Francisco de Moure, a panadaría Tito da rúa Mateo de Prado, e Arte 3, en Bernardo Cachamuiña, foron os gañadores na categoría do xurado profesional.

Cartel do concurso de escaparates

A Concelleria de Comercio ven de presentar o XXVIII Concurso de Escaparates de Nadal. Ourense 2017

Concurso de Nadal

O Concello de Ourense publica as Bases Reguladoras do Sorteo "Pide un desexo de Nadal. No box dos soños con Luz Propia 2017"

Reunión para impulsar a celebración da Feira do 21

O Concello de Ourense colaborará para a celebración, o vindeiro mes de outubro, da Feira do 21 no barrio ao que este evento deu nome a principios do século XX. Esta iniciativa, impulsada pola Asociación de Veciños de Santa Teresita, a Asociación de Comerciantes do Vinteún e a Federación Limiar, contará coa implicación das concellerías de Comercio, Limpeza, Transportes e Seguridade Cidadá

Proxecto da ubicación da Praza de Abastos na Alameda

O martes 13 de xuño asínase a acta de replanteo para comezar as obras na Alameda do traslado provisional da Praza de Abastos.Con esta sinatura, comezarían os traballos para instalar na explanada da Alameda os postos provisionais que albergarán aos praceiras mentres duran as obras de reforma do edificio da Praza de Abastos nº1, que serán realizadas pola UTE Petrolam Emergis Alameda (Petrolam Infraestructuras SL – Emergis Construcción SL), por un importe de 659.934 euros IVE incluído. Os traballos na Alameda terán un prazo de execución de 4 meses

II Food Truck Festival de Ourense

A Concellería de Comercio do Concello de Ourense, en colaboración con Producións Litoria e Comecamiños FoodTruck, organiza o 2º Food Truck Festival en Ourense, unha actividade que, tralo exito da público e participación da primeira edición, quere consolidarse coma unha cita ineludible no calendario de actividades da cidade.