Os nenos e as nenas poderán desfrutar o martes, 11 de agosto, dos xogos acuáticos que o Concello instalará na Farixa, nas proximidades do supermercado Mercadona, dentro da campaña "Móllate co Comercio". Será de 18:00 a 21:00 hora, con aforo limitado e entrada gratuíta. A campaña percorre os barrios da cidade de forma itinerante, os martes e os xoves, coa finalidade de axudar a dinamizar o pequeno comercio da cidade e darlle un incentivo aos cativos neste caluroso verán.
DATAS
- Martes 4 - Parque do Barbaña
- Xoves 6 - Xardín do Posío
- Xoves 13 - A Farixa
- Martes 18 - Santa Teresita
- Mércores 19 - Centro Cívico da Ponte (Nova data)
- Xoves 20 - Campus universitario das Lagoas
- Martes 25 – Barrocás
- Xoves 27 – Pavillón dos Remedios
Carlos López, da empresa Saudeter -encargada de levar a cabo as actividades-, asegura que se tomarán todas as medidas de seguridade para crear contornas seguras: os grupos serán de 15 rapaces máximo, e ademais das medidas recomendadas polas autoridades sanitarias, engadiranse outras, alternativas, para garantir a seguridade de todos os participantes”.
Os menores de 14 anos, en calquera caso, deberán ir acompañados dun adulto.
Máis información sobre a actividade e medidas de seguridade en: Móllate co Comercio (PDF)
