Praza Maior 1        988 388 100

Atopar
Buscador Concello de Ourense

Cultura

Áreas

A obra romántica de Schumann e o tango de Piazzolla interpretado a catro cordas con bandoneón, a proposta musical do Enclave de Cámara para este mes de xaneiro.

Instalacións do Arquivo Provincial de Ourense.

O Goberno Central comprométese a que en abril esté instalado o mobiliario da Biblioteca Pública do complexo de San Francisco para que a Xunta poida trasladar fondos e persoal e proceder á súa apertura. O subsecretario do Ministerio de Cultura y Deporte, Javier García Fernández, respondeu por escrito á carta remitida polo alcalde de Ourense o pasado 26 de novembro, solicitando información sobre os proxectos pendientes: A Biblioteca, o Arquivo Provincial e o Museo Arqueolóxico, que suporán investimentos por 36 millóns de euros por parte do Ministerio de Cultura en Ourense. Respecto ao Museo Arqueolóxico, informa que os pliegos para a licitación da obra (calculada en máis de 12 millóns de euros) xa foron redactados e actualmente están sendo informados pola Abogacía del Estado e avanza que a previsión é que durante o mes de xaneiro sexa publicado o concurso público do BOE.

O alcalde, Jesús Vázquez Abad, agradece ao subsecretario de Estado a resposta a cuestións "fundamentais para o avance da cidade que nos empeñamos en reactivar e relanzar desde o inicio deste mandato municipal" e manifesta a súa confianza en que "a palabra dada será cumprida, polo ben da mellora nos servizos e instalacións que precisa Ourense". O rexedor ourensán agarda que o Ministerio de Fomento "resposte coa mesma dilixencia e claridade que o de Cultura e informe acerca dun proxecto fundamental para o futuro da cidade como é a Variante Norte, do que de momento nada sabemos"

MOTI 2018

O salón de plenos do Concello de Ourense acolleu a presentación da décimo quinta edición da Mostra de Teatro Infantil (MOTI) de Ourense, un clásico da programación de Nadal que este ano se desenvolverá o día 21 e do 26 ao 30 de decembro en diferentes escenarios pero co mesmo obxectivo: o de ilusionar a mocidade e facela soñar a través do teatro.

OUFF Escola

O alcalde de Ourense, Jesús Vázquez, acudiu esta mañá á gala de entrega de premios da novena edición do certame OUFF Escola, no que este ano participaron 102 traballos de toda Galicia (A Coruña, 36, Pontevedra, 37, Lugo, 11, e Ourense, 18).

O alcalde Jesús Vázquez e a concelleira Belén Iglesias, reunidos co responsable e xerente do Museo Etnográfico Casa do Patrón de Lalín, Manuel Blanco Vilar.

O alcalde de Ourense, Jesús Vázquez Abad, e a concelleira de Educación e Cultura, Belén Iglesias, mantiveron unha reunión de traballo co responsable e xerente do Museo Etnográfico Casa do Patrón de Lalín, Manuel Blanco Vilar. No encontro, exploráronse futuras liñas de colaboración con este museo etnográfico, coa fin de artellar actividades escolares e divulgativas da cidade nun entorno que amosa a riqueza etnográfica do rural no interior de Galicia.

Auditorio de Ourense.

"O Auditorio do Pazo de Congresos de Ourense pode considerarse un dos mellores auditorios de Galicia, ao dispor de moi boas instalacións e gozar dunha moi boa situación na propia cidade". É unha das conclusións do informe elaborado pola Rede Galega de Teatros e Auditorios, e que valora de forma moi positiva todos os aspectos analizados no espazo da rúa da Canle: os medios técnicos, as diferentes instalacións e o nivel do persoal.

Coral de Ruada

O expediente de honra incoado polo Concello de Ourense a prol da Coral de Ruada inicia o período de información pública. Desde o martes, 11 de outubro, ate o día 9 de novembro, todas as persoas e entidades que o desexen podarán participar no expediente, adherirse a el, achegar a documentación xustificativa dos méritos que estimen oportunos ou efectuar as propostas ou informacións que procedan para a xustificación dos merecementos da coral ourensá.

Presentación FITO

Ourense será a capital galega do teatro entre o 4 e o 14 de outubro con motivo da XI edición do Festival Internacional de Teatro de Ourense (FITO), que este ano ofrecerá 16 espectáculos de 15 compañías (seis delas dirixidas por mulleres). Nesta edición o teatro tradicional convivirá con novas propostas como teatro de rúa ou danza, da man de compañías chegadas de España, Portugal, Arxentina, Israel e Chile.

Presentación da programación

Medio cento de espectáculos de diferentes especialidades integran a programación cultural do Auditorio Municipal de Ourense para o último cuatrimestre do ano.

As concelleiras Sofía Godoy e Belén Iglesias durante a rolda de prensa.

O Concello de Ourense ofreceu tres alternativas para seguir colaborando co Outono Fotográfico, opcións desbotadas pola organización. O Concello ten liñas habilitadas de subvención, tanto desde Cultura como desde Xuventude, ás que pode concorrer o OF. Asemade, tamén se lle ofreceu unha encomenda de servizos, mediante contrato administrativo, para a organización do mesmo. As tres solucións foron rexeitadas. As concelleiras de Xuventude e Cultura, Sofía Godoy e Belén Iglesias, respectivamente, compareceron esta mañá e deixaron claro que “en ningún momento este goberno vai saltarse a lei. Gústenos ou non, as regras do xogo cambiaron e todos temos que acatalas. É algo que debemos entender: a lei é de obrigado cumprimento para todos e todas. A Administración Local non está para facer traxes a medida, senón para administrar o interese xeral”.