Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Cultura

Áreas

Cartel coa programación de febreiro

Danza con Play de Aracaladanza e Sin título 97/17 de Sil Producciones, música coa Banda da Loba, e teatro con Daimon y la jodida lógica, de Matarile e O mel non caduca, de Ibuprofeno son as propostas do Auditorio Municipal para o mes de febreiro de 2020. O 12 de marzo chegará Si esto es un hombre, de Cámara Negra.

As entradas pódense adquirir na páxina web de Ataquilla, na sala de exposicions de Afundación, na Praza Maior, e no despacho de billetes do Auditorio, dúas horas antes da función.

 

Brentano quartet

O Enclave de Cámara presenta, este mércores 15 desde as 20.00 horas no Teatro Principal, o prestixioso cuarteto de corda Brentano Quartet. Formado por Mark Steinberg, Serena Canin (violíns), Misha Amory (viola) e Nina Lee (violonchelo), é a formación residente na Yale School of Music, onde sucederon o Cuarteto de Corda de Toquio.

Carteis dos espectáculos

Se ben a axenda cultural municipal comeza este mércores 15 ás 20:00h, co concerto do Brentano Quartet no Teatro Principal dentro do ciclo Enclave de Cámara, o Auditorio celebra unha intensa fin de semana con até catro funcións repartidas entre Fariña e a sesión familiar Descubrindo a Metallica.

Mateo e Osborne

Os humoristas Dani Mateo, Manuel Manquiña e David Perdomo e o cantante Bertín Osborne subirán esta semana ao escenario do Auditorio Municipal de Ourense. A primeira das propostas é Noites de Retranca, espectáculo de humor que no seu especial décimo aniversario chegará a Ourense o venres, 10 de xaneiro, ás 22:30 horas.

En palabras da compañía, “cumprir dez anos levando humor e risas por Galicia adiante merecen festexalo. Por primeira vez nestes dez anos, abrimos o noso espectáculo a artistas de "fóra" e, para facelo contaremos cun artista retranqueiro coma nós... Dani Mateo!!!” Un show con música en directo, a dos Fabulosos Weekend, e as actuacions de Manquiña, David Perdomo e Dani Mateo.

O sábado, 11, ás 20:00 horas, será o turno de Bertín Osborne, que chega a Ourense na xira de presentación do seu último traballo discrográfico: Yo debí enamorarme de tu madre, un espectáculo sorprendente de cen minutos e duración, acompañado dos seus músicos e os seus mariachis. Un show moi coidado e divertido onde o cantante andaluz repasará todos os seus éxitos musicais e as anécdotas máis graciosas da súa carreira.

As entradas, desde 16 euros para Noites de Retranca, e desde 45 euros para Bertín Osborne, pódense adquirir en A taquilla no teléfono 902 504 500, na Sede de Afundación (Praza Maior, 4) e na billeteira do Auditorio dúas horas antes da función.

Plano da cabalgata 2020

As súas maxestades os Reis Magos de Oriente, percorrerán as rúas de Ourense este domingo para a ledicia da rapazada. A cabalgata sairá desde a Avenida das Caldas ás 18:00 horas, e desfilará repartindo 3.000 quilos de caramelos até a Praza Maior, emprazamento da fin de festa das 26 carrozas participantes. A temática elixida pola Concellería de Cultura serán os animais do mundo.

Mapa coas localizacións dos beléns

O XXIV Concurso de Beléns Públicos do Concello de Ourense xa coñece os gañadores dos mellores nacementos expostos ao público na cidade durante as datas de Nadal en tres modalidades: entidades, familiares e escolares. O xurado valorou os materiais empregados e os efectos de luz, auga e outras creacións, tendo en conta o seu valor artístico, histórico e relixioso, e repartiu os 2.000 euros en premios da seguinte maneira:

  • Na categoría de Entidades, aberta a asociacións sen ánimo de lucro e establecementos comerciais debidamente acreditados, os premios foron: primeiro premio de 400 euros, para a Residencia Nosa Señora da Esperanza, por segundo ano consecutivo; e un segundo de 300 euros para a Residencia As Flores.
  • Na categoría Familiares, para os mellores beléns instalados en domicilios particulares: primeiro premio para a familia Corral, 300 euros, e segundo para a familia de América Vázquez, 200 euros.
  • Na categoría Escolar, para alumnos e alumnas de ensino non universitario: primeiro premio para o CPR Plurilingüe Divino Maestro, 300 euros, o segundo para o Colexio Plurilingüe Divina Pastora, 200 euros.
  • O premio especial de 300 euros á creatividade e singularidade nos materiais e no deseño xeral da montaxe do Belén, foi este ano para a Comunidade das Clarisas Reparadoras.

Os beléns deben estar á vista ou abertos ao público en escaparates, vitrinas, mostradores, recunchos, etc. En lugares como en centros de ensino, residencias ou casas particulares, a apertura ao público foi de dúas horas ao día, como mínimo, dentro do horario comercial, e sinalizados cun cartel no exterior do edificio. Os beléns pódense visitar até o día 14 de xaneiro.

DOCUMENTACIÓN

Praza Maior en Nadal

O espectáculo de benvida ao Nadal previsto para o venres, 20 de decembro, na Praza Maior aprázase ao domingo, día 29, a causa das previsións meteorolóxicas. O Concello toma esta decisión xa que a chuvia que se prevé para esa xornada desluciría o desenvolvemento desta actividade, a cargo da compañía Kull d´Sac que fusiona lume, música, pirotecnia e circo aéreo. O espectáculo terá lugar o día 29, á mesma hora, as 20.00 h, na Praza Maior

 

Carmucha Vázquez Prats

A sala municipal José Ángel Valente inaugura esta tarde (20:00 horas) a exposición Retrospectiva, de Carmucha Vázquez Prats. A artista nacida en Pontevedra en 1934, residente en Ourense, presenta nesta mostra medio cento de obras que percorren a súa obra e resumen a súa vida pictórica.

Volantina da MOTI2019

Dezaseis espectáculos forman o programa da 16ªMOTI- Mostra de Teatro Infantil de Ourense, que se desenvolverá desde o día 21 até o 26 de decembro na cidade. Os nenos e as nenas da cidade terán a oportunidade de desfrutar durante as súas vacacións escolares con espectáculos de teatro de rúa, novo circo, teatro actoral, comedia-clown, teatro de sombras, xestual con máscaras, teatro musical, marionetas de fíos, e  concertos musicais, con propostas axeitadas a cada tipo de idades.

Toda a información está na páxina web da Mostra MOTI2019

 

Cartel coa programación

Velaquí a programación do Auditorio Municipal de Ourense para os meses de decembro e xaneiro, con propostas tan atractivas como os espectáculos de Sara Baras, Ballet Nacional Ruso, Contraproducións, Concerto de Reis, Noites de Retranca, Bertín Osborne ou Fariña.

As entradas pódense adquirir en Ataquilla na sala Afundación na Praza Maior ou no despacho de billetes do Auditorio dúas horas antes da función.