Deportes
Áreas
Blog da área de Deportes
Adiántase o peche das piscinas de Oira
- Detalles
En aplicación das indicacións da “Orde do 2 de setembro de 2020 pola que se establecen determinadas medidas de prevención como consecuencia da evolución da situación epidemiolóxica derivada do COVID-19 no concello de Ourense” e ante o risco de confluencia simultánea de máis de 100 persoas no recinto interior das piscinas ao aire libre de Oira, o Consello Municipal de Deportes decide adiantar o peche destas instalacións estivais ás 15:30 do día de hoxe, xoves, 3 de setembro.
Mellora integral do Pavillón dos Remedios, con máis de 2 millóns de euros de investimento
- Detalles
O alcalde de Ourense, Gonzalo Pérez Jácome, o secretario xeral para o Deporte da Xunta de Galicia, José Ramón Lete Lasa, e o concelleiro de Deportes, Mario Guede, visitaron esta mañá as obras de remodelación que a Xunta de Galicia está a realizar no pavillón municipal dos Remedios.
O Taichi volve ao Xardín do Posío
- Detalles
O Taichi, arte milenaria chinesa, celebra a súa trixésimo sexta edición no Xardín do Posío, do 6 ao 24 de xullo, de luns a venres en horario de 08:00 a 09:00 horas
Cita previa para as piscinas de Oira
- Detalles
O Consello Municipal de Deportes habilita, desde este xoves ao mediodía o espazo web piscinasmunicipaisourense.com para solicitar cita previa para as piscinas de Oira
O campo de fútbol de Vilar de Astrés ten a certificación 'Fifa'
- Detalles
O campo de fútbol de Vilar de Astrés únese aos de Oira e ao 'Miguel Ángel', no Pavillón dos Remedios, con certificación 'Fifa Quality PRO'.
As piscinas de Oira abren ao público este luns, 29 de xuño
- Detalles
As piscinas municipais de Oira abrirán ao público este luns, 29 de xuño, en horario partido -de 11:00 a 15:30 horas e de 16:30 a 21:00 horas-, con novas medidas de seguridade e con control de aforo.
Medio millón de euros para melloras do campo de fútbol de Velle
- Detalles
O Concello de Ourense destinará un investimento de medio millón de euros á mellora das instalacións do campo de fútbol de Velle. Así llo anunciou esta mañá o alcalde, Gonzalo Pérez Jácome, ao presidente do Club Deportivo Velle, nunha visita ás instalacións, nas que tomou coñecemento das carencias que presenta o campo actual coa finalidade de buscarlles solución e poñer en valor este equipamento deportivo.
As piscinas municipais abrirán a semana do 29, con cita previa
- Detalles
O Concello de Ourense abrirá as piscinas públicas municipais a principios da semana do 29 de xuño. Será logo de comprobar que se compre con todas as medidas de seguridade decretadas polas autoridades sanitarias. Así, o aforo estará limitado ao 75% da capacidade total, e haberá que pedir cita previa.
O CMD avanza na reapertura das instalacións deportivas, adaptadas á nova normativa covid-19
- Detalles
O Consello Reitor do Consello Municipal de Deportes, no que participan representantes de todos os grupos políticos municipais, reuniuse telematicamente coa coordinadora deportiva e o xerente para coñecer o estado de apertura das instalacións deportivas dependentes deste organismo e efectuar posibles achegas para mellorar a prestación do servizo.
Convocadas as subvencións do Consello Municipal de Deportes para actividades, clubs e entidades deportivas, cun orzamento de 700.000 euros
- Detalles
O Consello Municipal de Deportes do Concello de Ourense convoca as subvencións en materia deportiva para o actual ano 2020, dirixidas a federacións deportivas e a clubs ou entidades deportivas do municipio inscritas no rexistro de asociacións deportivas municipais. O extracto da convocatoria pódese consultar no Boletín Oficial da Provincia de Ourense de hoxe, 13 de maio de 2020 e nesta páxina web.