O salón de plenos do Concello de Ourense acolleu a presentación do torneo, no que participarán os equipos CF Porto (Portugal), Athletic club de Bilbao, Grenaa IF (Dinamarca), Inter de Milán (Italia), Grupo Desportivo Chaves (Portugal), Deportivo de A Coruña, e dous equipos ourensáns: o anfitrión, CD Santa Teresita e o Pavillón, gañador da fase previa do torneo que se disputou a pasada fin de semana.
Os partidos comezarán o sábado, ás 10horas, e rematarán o domingo ás 12,00 horas, cando se disputará a final.
A entrada é libre e gratuíta e a organización colocará unha grada supletoria no campo das Eiroás para maior comodidade do público asistente.
