Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Deportes

Áreas

Campo de fútbol de Vilar

O concelleiro de Deportes, Mario Guede, acompañado do presidente da Real Federación Galega de Fútbol, Rafael Louzán, supervisou esta mañá as obras do campo de fútbol de Vilar de Astrés, que consisten na instalación de céspede artificial, acondicionamento de vestiarios e construción dunha grada cuberta de catro andares, ademais da humanización da parcela onde se empraza o campo. 

As obras están financiadas integramente con orzamentos do Consello Municipal de Deportes por un importe de 455.463,36 euros, cunha garantía do equipamento de catro anos.

Actualmente evolucionan a bo ritmo grazas ás condicións meteorolóxicas favorables, e prevese que rematen no mes de marzo, en opinión dos técnicos encargados da súa execución: Miguel Porras, director de obra, e Martín Rejo, xefe de obra da adxudicataria, Extraco.

Antes da recepción da obra, un laboratorio externo probará que as condicións do terreo de xogo cumpren os máximos requirimentos de homologación marcados pola FIFA.

Cartel do Consello Municipal de Deportes

O Consello Municipal de Deportes do Concello de Ourense actualiza as súas tarifas para o ano 2020.

Toda a información en Tarifas para 2020

O concelleiro de Deportes, Mario Guede, xunto a persoal e membros do Consello Reitor do Consello Municipal de Deportes visitaron esta mañá e dous importantes proxectos de remodelación e mellora de infraestruturas deportivas, que suporán un investimento de máis de medio millón de euros. Trátase, por unha banda, das obras de execución de bancadas, vestiarios e céspede sintético no campo de fútbol de Vilar de Astrés, e as da substitución da cuberta do polideportivo municipal do Campo da Feira. Ambas adxudicacións foron apoiadas por unanimidade de todos os concelleiros que constitúen o Consello Reitor, e adxudicadas as obras o pasado 18 de outubro.

Programa de actividades

O Consello Municipal de Deportes programa ata 13 eventos deportivos de gran dimensión e repercusión para festexar o Nadal na cidade. Os eventos comezan esta fin de semana no Pavillón dos Remedios co Torneo de Nadal de Ximnasia, unha proba consolidada que chega á súa 13ª edición, así como co Memorial Enrique Barredo, no polideportivo de Oira, a cargo da Asociación Galicia Haidong Gumdo.

Infografía do proxecto de reforma

O luns, 25 de novembro, comezarán as obras de reforma do Pavillón dos Remedios, logo de asinarse a acta de replanteo o pasado 7 deste mes. Así, o Consello Municipal de Deportes foi oficialmente comunicado por parte do persoal da empresa adxudicataria -Alea- e dos técnicos da Secretaría Xeral para o Deporte do inicio das actuacións da Primeira Fase das obras.O CMD quere influír o menos posible nas actividades dos usuarios que se prestan nas instalacións do Pavillón dos Remedios, polo que os técnicos estableceron un plan de choque que permita a non interrupción do servizo. O plan traslada parte da actual sala de musculación e de halterofilia ao módulo de atletismo.

Presentación da San Martiño 2019

A Carreira Pedestre Popular do San Martiño chega á súa edición número 43, que percorrerá as rúas da cidade o domingo, 17 de novembro. Esta mañá no salón de plenos do Concello tivo lugar a presentación da emblemática proba, decana e referente entre todas as carreiras populares que se desenvolven en Galicia. A San Martiño é a “verdadeira festa do deporte na cidade”, como manifestou o concelleiro de Deportes, Mario Guede, quen lembrou que o pasado ano 2018 a proba sumou máis de 11.000 participantes nas diferentes categorías, cunha porcentaxe de mulleres superior ao habitual neste tipo de carreiras (37%) e máis de 5.000 escolares.

Imaxe dun campo de fútbol

O Consello Municipal de Deportes adxudicou na súa sesión de onte dous importantes proxectos de remodelación e mellora de infraestruturas deportivas, que suporán un investimento de máis de medio millón de euros. Trátase, por unha banda, das obras de execución de bancadas, vestiarios e céspede sintético no campo de fútbol de Vilar de Astrés, e as da substitución da cuberta do polideportivo municipal do Campo da Feira. Ambas adxudicacións foron apoiadas por unanimidade de todos os concelleiros que constitúen o Consello Reitor, e resolven os procedementos iniciados o 29 de agosto.

Foto da reunión

O xerente e a coordinadora do Consello Municipal de Deportes reuníronse cos arquitectos da Secretaría Xeral para o Deporte da Xunta de Galicia para coñecer os programas de traballo das empresas que optan á adxudicación do concurso para executar as tan demandadas obras de reforma do Pavillón dos Remedios. Vendo estes programas poderá perfilarse un plan de convivencia entre a realización das obras e a actividade cotiá do complexo deportivo.

A convivencia das obras coa menor afección posible da actividade do Pavillón dos Remedios é un dos criterios de calidade que a Secretaría Xeral para o Deporte puntuará como mellora nos Programas de traballo.

O cronograma, xunto cos servizos que se poidan ver afectados, non quedarán pechados ata que a Xunta de Galicia adxudique a obra, e se coñeza o programa definitivo de traballo.

Desde o Consello Municipal de Deportes estanse a buscar alternativas, atendendo as achegas dos usuarios, para non interromper a actividade, feito este do que se irá informando segundo vaia avanzando o proceso nas vindeiras semanas.

Piscinas de Oira

Co gallo das altas temperaturas do mes de setembro, o Consello Municipal de Deportes do Concello de Ourense manterá abertas ao público até o domingo 15 de setembro as súas piscinas municipais: tanto as do complexo recreativo de Oira como a exterior do Pavillón dos Remedios. Horario: de 11.00 a 21.00 horas.

Cartel da Carreira

O circuíto de carreiras populares Correndo por Ourense volve esta fin de semana coa primeira das dúas citas que propón para o mes de setembro. Será coa carreira que o domingo, pola mañá percorrerá a zona universitaria. Nela poderán participar 1.152 atletas que se inscribiron este ano na popular proba deportiva, que chega xa a súa novena edición. O prazo de inscrición para esta carreira e as seguintes do circuíto está está aberto até o día 4, a través da páxina web do Consello Municipal de Deportes de Ourense e Championchipnorte Volverase abrir o luns, 9 para as 2 últimas citas: A Ponte (29 de setembro) e A Carballeira (20 de outubro) O custe de participar noo circuíto é 7 euros (só pagan persoas adultas). Unha parte da inscrición irá destinada a axudar a unha entidade social.