Praza Maior 1        988 388 100

Atopar
Buscador Concello de Ourense

Educación

Áreas

Colexio Irmáns Villar

O Concello de Ourense publicou, no perfil do contratante da plataforma do estado, a licitación do servizo de limpeza dos centros escolares do termo municipal. O prego ten por obxecto definir as condicións técnicas, desenvolvemento dos traballos, lotes, recursos humanos, cualificación técnica e medios materiais que rexerán a prestación deste servizo, que fixa en 1.562 as horas semanais de traballo, ademais doutras 616 horas no mes de xullo.

Presentación das actividades

A concelleira de Educación, María Teresa Rodríguez, e o equipo técnico da Concellería presentaron esta mañá a directores e directoras dos colexios da cidade a programación de actividades educativas que organiza o Concello para o curso 2019-2020. Unha programación pensada para colaborar activamente co profesorado da cidade ofrecendo recursos útiles e moi variados ao alcance de toda a poboación.

A oferta para este curso escolar comprende máis de cen actividades enmarcadas en 15 programas educativos que abarcan os distintos campos do ensino. Está previsto que participen o número máximo posible de alumnos e alumnas de centros de ensino da cidade con idades comprendidas entre 3 e 18 anos.

Cartel do Día das Aves 2019

O Concello de Ourense súmase á celebración do "Día mundial das aves 2019" organizando unha actividade de observación desde O Tinteiro, o vindeiro mércores, 2 de outubro, de 16 a 20h.

Organizada pola Aula Municipal de Natureza do río Miño, dependente da Concellería de Educación, convida a persoas de todas as idades a que se acheguen a este espazo, na marxe do río, onde se disporá un posto fixo de observación. As persoas participantes aprenderán a utilizar prismáticos e telescopios, a identificar aves e a observar as máis típicas da contorna do río: biluricos, garzas, gaivotas, martiño peixeiro.... A actividade é libre e gratuíta e non require inscrición previa. Quen queira participar só ten que achegarse ao Tinteiro o mércores desde as 16h.

Cartel da Universidade Popular 2020

O Concello de Ourense organiza unha nova edición do programa de actividades formativas Universidade Popular. Son en total 140 cursos e obradoiros, dirixidos a persoas maiores de 16 anos, cun total de 3.989 prazas dispoñibles. A oferta dá continuidade a actividades que ano tras ano teñen unha grande acollida entre o público e incorpora un total de 44 novos cursos e obradoiros. Trece das actividades impartiranse na modalidade online e as 127 restantes de forma presencial.

As persos interesadas poderán preinscribirse desde o día 1 ao 31 de outubro, a través da páxina Web da Concellería de Educación cubrindo un formulario que estará dispoñible na web desde o día 1. Se teñen algunha dificultade para realizar o trámite poderán acudir á Concellería de Educación (Praza de San Martiño 2, 1º), de 9 a 14h. Un dos criterios de admisión será a orde de entrega da solicitude.

Alcalde e reitor da Universidade de Vigo

O alcalde de Ourense, Gonzalo Pérez Jácome e o reitor da Universidade de Vigo, Manuel Reigosa mantiveron esta mañá unha xuntanza na Alcaldía na que avanzaron en diferentes liñas de colaboración entre ambas institucións destinadas ao reforzo da oferta formativa do campus de Ourense e ao desenvolvemento de proxectos como o futuro Centro de Intelixencia Artificial.