Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Educación

Áreas

Fotografía de Jordi Sierra

A Concellería de Educación do Concello de Ourense organiza un encontro do escritor Jordi Sierra i Fabra con escolares dos centros educativos da cidade (5º e 6º de Primaria e 1º e 2º da ESO), dentro do programa Animación á Lectura. Será o día 24 de marzo, ás 11:30 horas, no Auditorio. Asistirá o alumnado dos centros que o desexen e, dada a popularidade do relator, destinarase a parte superior do Auditorio a público en xeral.

Cartel da actividade

Un total de 277 alumnos de ESO e Bacharelato de 15 centros educativos da provincia participarán, no mes de xaneiro, nunha nova edición do programa de animación á lectura Tertulias Literarias, coorganizado pola Concellería de Educación e pola Deputación Provincial. A concelleira María Teresa Rodríguez e a deputada de Cultura, Patricia Torres, encargáronse de presentalo esta mañá.

Aula de Natureza

As tres bibliotecas municipais e a Aula de Natureza do río Miño acollerán a programación de actividades de Nadal para escolares que organiza a Concellería de Educación do Concello de Ourense. Unha iniciativa que pretende proporcionarlle á cativada a posibilidade de participar en actividades formativas e de lecer ao tempo que axudar á conciliación das familias durante as vacacións de Nadal. Serán obradoiros lúdico-educativos que se desenvolverán desde o día 26 de decembro dirixidos a alumnado de Educación Primaria e Infantil, no caso da aula de Oira, e de 4 a 10 anos nas bibliotecas. As familias interesadas poderán realizar a inscrición desde o mércores, 11, até o 19 de decembro nas propias bibliotecas ou até o 26 na Aula de Natureza.

Presentación das actividades

A concelleira de Educación, María Teresa Rodríguez, e o equipo técnico da Concellería presentaron esta mañá a directores e directoras dos colexios da cidade a programación de actividades educativas que organiza o Concello para o curso 2019-2020. Unha programación pensada para colaborar activamente co profesorado da cidade ofrecendo recursos útiles e moi variados ao alcance de toda a poboación.

A oferta para este curso escolar comprende máis de cen actividades enmarcadas en 15 programas educativos que abarcan os distintos campos do ensino. Está previsto que participen o número máximo posible de alumnos e alumnas de centros de ensino da cidade con idades comprendidas entre 3 e 18 anos.

Cartel do Día das Aves 2019

O Concello de Ourense súmase á celebración do "Día mundial das aves 2019" organizando unha actividade de observación desde O Tinteiro, o vindeiro mércores, 2 de outubro, de 16 a 20h.

Organizada pola Aula Municipal de Natureza do río Miño, dependente da Concellería de Educación, convida a persoas de todas as idades a que se acheguen a este espazo, na marxe do río, onde se disporá un posto fixo de observación. As persoas participantes aprenderán a utilizar prismáticos e telescopios, a identificar aves e a observar as máis típicas da contorna do río: biluricos, garzas, gaivotas, martiño peixeiro.... A actividade é libre e gratuíta e non require inscrición previa. Quen queira participar só ten que achegarse ao Tinteiro o mércores desde as 16h.