Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Educación

Áreas

Escola de idiomas

A Escola Municipal de Idiomas (EMI) do Concello de Ourense amplía o seu prazo de matrícula para inscribirse nos cursos de inglés, até que se cubran todas as prazas. Os grupos pertencen a educación para adultos, e se poderán matricular nas dependencias da Concellería de Educación -Praza San Martiño, nº2- en horario de 9.00 a 14.00 horas, de luns a venres. A EMI oferta aínda prazas vacantes, en menor medida, para os cursos dirixidos a alumnado de Educación Primaria.

Foto da reunión

O proxecto para a creación dun centro de intelixencia artificial na cidade de Ourense vai sumando apoios. Se onte era a Universidade de Vigo, hoxe é a Universidad Nacional de Educación a Distancia (UNED) a que, a través do director do seu centro asociado en Ourense, Jesús Manuel García, manifestaba a súa intención de apoiar este proxecto. Nunha xuntanza entre o alcalde, Gonzalo Pérez Jácome, e o equipo directivo da institución educativa en Ourense, saíu esta mañá o compromiso para unha reunión formal co equipo de goberno da UNED en Madrid.

A UNED conta cun departamento de Intelixencia Artificial dentro do grao de Enxeñería Superior de Informática, que ve con bos ollos o proxecto que pon sobre a mesa o goberno municipal. O rexedor considera que este apoio “é o espaldarazo definitivo” e unha noticia moi boa para a cidade.

Medio millar de escolares da cidade participan na programación de actividades “Concilia Verán” que organiza o Concello. A edil de Educación, María Teresa Rodríguez asistiu hoxe ao inicio dunha das actividades: os campamentos de verán que se realizan durante o mes de xullo nos CEIP Amadeo Rodríguez, O Couto, Mestre Vide e A Ponte.

Cartel del programa Concilia Verán

O Concello de Ourense abre desde o martes, 25 de xuño o prazo de inscrición nos campamentos de verán para escolares que organizará durante o mes de xullo nos CEIP Amedeo Barroso, O Couto, A Ponte e Mestre Vide.

As familias interesadas poderán realizar a inscrición na Área de Educación, na Praza de San Martiño, 1º andar, de 9:00 a 14:00 horas e até o día 5 de xullo. As prazas adxudicaranse por rigorosa orde de inscrición e cada persoa poderá inscribir unicamente a dous menores -agás no caso das familias numerosas-.O prezo é 10 euros por escolar, e 5 por irmán ou irmá.

Os campamentos teñen como finalidade axudar á conciliación familiar e poñer a disposición da cativada actividades de lecer durante as súas vacacións de verán. Desenvolveranse no mes de xullo, de luns a venres, 8 a 14:30 horas. Están dirixidos a escolares de Educación Infantil e Primaria (5-12 anos). Disporase tamén de prazas para o alumnado con necesidades educativas especiais (NEE) no centro escolar da Ponte e no Couto un grupo de Educación Infantil (6º de Educación Infantil).

Concilia veran

A Concellería de Educación do Concello de Ourense abrirá o próximo luns, 10 de xuño o prazo de inscrición na programación de actividades de verán para escolares que se desenvolverán nas bibliotecas municipais e na Aula de Natureza. As familias interesadas poden anotar a nenas e nenos na Concellería de Educación, na Praza de San Martiño, 1º, para as actividades da aula de Oira e nas propias bibliotecas da Carballeira, San Francisco e A Ponte para as que nelas se desenvolven. O prazo de inscrición rematará o 26 de xuño e as prazas adxudicaranse por orde de presentación de solicitudes.

A programación da Aula de Natureza do río Miño está dirixida a alumnado de Educación primaria (de 6 a 12 anos) e estenderase durante os meses de xullo, agosto e ate o 6 de setembro. Os horarios son de mañá e tarde; de 10 a 13 e 17 a 19h (agás os venres pola tarde, cando pecha). A actividade custa 10 euros por escolar e mes, e 5 euros por irmán ou irmá.
Nas biblioteca as actividades realizaranse durante os meses de xullo e agosto, de 10.30 a 13.00 horas. Están dirixidas a alumnado de 4 a 10 anos e a inscrición é gratuíta.