Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Educación

Áreas

Cartel del programa Concilia Verán

O Concello de Ourense abre desde o martes, 25 de xuño o prazo de inscrición nos campamentos de verán para escolares que organizará durante o mes de xullo nos CEIP Amedeo Barroso, O Couto, A Ponte e Mestre Vide.

As familias interesadas poderán realizar a inscrición na Área de Educación, na Praza de San Martiño, 1º andar, de 9:00 a 14:00 horas e até o día 5 de xullo. As prazas adxudicaranse por rigorosa orde de inscrición e cada persoa poderá inscribir unicamente a dous menores -agás no caso das familias numerosas-.O prezo é 10 euros por escolar, e 5 por irmán ou irmá.

Os campamentos teñen como finalidade axudar á conciliación familiar e poñer a disposición da cativada actividades de lecer durante as súas vacacións de verán. Desenvolveranse no mes de xullo, de luns a venres, 8 a 14:30 horas. Están dirixidos a escolares de Educación Infantil e Primaria (5-12 anos). Disporase tamén de prazas para o alumnado con necesidades educativas especiais (NEE) no centro escolar da Ponte e no Couto un grupo de Educación Infantil (6º de Educación Infantil).

Concilia veran

A Concellería de Educación do Concello de Ourense abrirá o próximo luns, 10 de xuño o prazo de inscrición na programación de actividades de verán para escolares que se desenvolverán nas bibliotecas municipais e na Aula de Natureza. As familias interesadas poden anotar a nenas e nenos na Concellería de Educación, na Praza de San Martiño, 1º, para as actividades da aula de Oira e nas propias bibliotecas da Carballeira, San Francisco e A Ponte para as que nelas se desenvolven. O prazo de inscrición rematará o 26 de xuño e as prazas adxudicaranse por orde de presentación de solicitudes.

A programación da Aula de Natureza do río Miño está dirixida a alumnado de Educación primaria (de 6 a 12 anos) e estenderase durante os meses de xullo, agosto e ate o 6 de setembro. Os horarios son de mañá e tarde; de 10 a 13 e 17 a 19h (agás os venres pola tarde, cando pecha). A actividade custa 10 euros por escolar e mes, e 5 euros por irmán ou irmá.
Nas biblioteca as actividades realizaranse durante os meses de xullo e agosto, de 10.30 a 13.00 horas. Están dirixidas a alumnado de 4 a 10 anos e a inscrición é gratuíta.

Foto aula natureza

O Concello de Ourense ven de aprobar as Bases para a contratación da dinamización educativa, dirixido a nenos e nenas 6º de Educación Infantil e de 1º a 6º de Educación Primaria (cursos rematados), para implementar as actividades de conciliación da vida laboral e familiar do periodo vacacional de verán do ano 2019, a desenvolver en centros educativos públicos da cidade:
CEIP “AMADEO RODRÍGUEZ BARROSO”
CEIP “A PONTE” con un grupo de NEE*
CEIP “O COUTO” Con un grupo de Educación Infantil**
CEIP “MESTRE VIDE”

 Documentación

Actuación do grupo de teatro Fantoches Baj

A Concellería de Educación do Concello de Ourense celebrou esta mañá o Día das Letras con escolares dos centros educativos na Praza de San Martiño coa representación do espectáculo homenaxe a Antón Fraguas “Os romeiros do caracol”, de Fantoches Baj, e a entrega de premios do VII Certame de Microrrelato online. O certame, que ten como obxectivo fomentar o uso do galego a través da capacidade creativa dos escolares, tivo este ano tivo por tema “As Mulleres en Galicia”, e contou coa participación de 35 traballos de 8 centros de ensino.

A programación da Concellería de Educación para o curso escolar 2018-19 vén cargada de novidades, con especial énfase en promover o civismo e a sensibilidade co Medio Ambiente entre a rapazada ourensá, pero tamén cunha aposta por reforzar as actividades para adultos, en especial a través da Universidade Popular.