Praza Maior 1        988 388 100

Atopar
Buscador Concello de Ourense

Educación

Áreas

Presentación de "Máis alá das nubes"

O Concello de Ourense anima aos escolares da cidade a gozar do pracer da lectura nunha nova edición, xa a número 28, da Exposición da Campaña de Animación á Lectura, que acolle o Auditorio Municipal. A concelleira de Educación, Belén Iglesias, presentou a mostra, co título “Máis alá das nubes”, que recibirá a visita de alumnado dos centros educativos da cidade de luns a venres, de 9 a 14 horas, ata o día 12 de xuño. Na xornada de hoxe foron medio centro de alumnos e alumnas do CEIP Curros Enríquez os que a visitaron.

Nenos na exposición sobre Vento Ferido, no Auditorio

O Auditorio Municipal acolle ata o día 16 de xuño a exposición realizada por escolares do CEIP José García García Mende co gallo das Letras Galegas 2017. A mostra, que se presentou esta mañá, réndelle homenaxe a Carlos Casares e recolle o traballo realizado por alumnos e alumnas deste centro que ilustraron tres contos da obra “Vento Ferido”, do escrito ourensán. Cada escolar elixiu un momento do libro e elaborou un gravado coa técnica da linografía, facendo a matriz e a edición no obradoiro da aula de plástica.

Poster da XVI edición de MOTECES

A Mostra de teatro de secundaria, a MOTECES, celebra a súa décimo sexta edición do 2 ao 12 de maio de 2017 no Salón de Actos da Escola Municipal das Artes Escénicas. Participan un total de 9 grupos formados por alumnos de Ensino Secundario de 9 centros: os IES Xesús Ferro Couselo, E. Blanco Amor, Universidade Laboral e As Lagoas, o CIFP Carballeira, e os CPR Sto. Ángel, Divina Pastora, Divino Maestro e Sta. Teresa de Jesús

Belén Iglesias cos nenos do Colexio Luis Vives

A Concellería de Educación, dentro do seu programa educativo Educación e Saúde Ambiental, quere que os escolares da cidade coñezan as árbores da nosa contorna e para iso realizará, cun total de 329 escolares de 5º e 6º curso de Educación Primaria de diferentes colexios de Ourense, a actividade “Caderno de campo”. O programa comezou o 21 de abril cos alumnos do CPR Luís Vives, que estiveron acompañados pola concelleira de Educación, Belén Iglesias.

Sofía Godoy e Belén Iglesias cos alumnos do Blanco Amor

Un total de 30 alumnos de 3º ESO do IES Blanco Amor participaron, nunha xornada de traballo, dentro das actividades do I Plan de Infancia e Adolescencia do concello de Ourense, na que reflexionaron sobre as debilidades, fortalezas e melloras que farían na nosa cidade en relación con determinadas áreas: lecer, cultura e tempo libre; educación; medio ambiente e urbanismo; saúde e actividade física; benestar social e familia; equidade e diversidade.