Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Infraestruturas

Áreas

Ourense, 13 de outubro de 2018.

Móvete por Ourense naceu, en abril de 2017, como un proceso de participación plural “para a mellora da calidade ambiental e a mobilidade”, e que perseguía “a pacificación do tráfico e a integración da bici no centro urbano de Ourense”. Logo de pulsar o diagnóstico de máis de 10.000 ourensáns, ben individualmente, ben a través de colectivos, Móvete por Ourense xa é un plan para lograr un modelo de cidade na que teña menos protagonismo o coche e máis as persoas. Desde hoxe está dispoñible no espazo web www.ourense.gal toda a súa documentación, desde o inicio do proceso até as conclusións finais.

Todas as concellerías traballan no desenvolvemento deste programa, que agora está en mans dunha comisión integrada por representantes dos grupos políticos municipais e por técnicos dos diferentes departamentos. “É un modelo de convivencia grazas ao que toda a cidadanía vai saír reforzada”, afirma o alcalde de Ourense, Jesús Vázquez. “Un programa”, di, “para construír unha cidade con vontade e valentía e no que toda a cidadanía conta, e suma”.

As conclusións finais resúmense en bloques que conteñen 21 accións concretas. Os grandes temas son os seguintes:

  • Construír un modelo de cidade con vontade e valentía.
  • Construír unha cidade para o peón, coa progresiva peonalización de diferentes zonas da cidade, ou polo menos acceso restrinxido ao tráfico rodado.
  • O cumprimento estrito da normativa de tráfico.
  • O modelo de Cidade 30, que non se trata de limitar a circulación a 30 km/h, senón conseguir que a velocidade media do tráfico non supere esa cifra.

Nesta ligazón pódese descargar o proxecto Móvete por Ourense, con toda a información do proceso de participación desde os seus inicios ata as conclusións finais.