Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Infraestruturas

Áreas

Praza das Mercedes

Os traballos de reposición de lousas e de pavimento no centro histórico de Ourense, logo de actuar nas rúas San Francisco e da Unión, chegan agora á contorna da praza das Mercedes. A partir do luns, 10 de xuño, e durante toda a semana, o Concello pechará o acceso de vehículos nos accesos á praza. Colocaranse valados para impedir o tráfico, que permanecerán até a finalización das obras, prevista para o vindeiro venres, 14 de xuño.

Durante a realización das obras de reposición, os peóns poderán seguir transitando por esta rúa de acceso ao centro histórico da cidade. Desde o Concello de Ourense prégaselle comprensión á cidadanía no período que duren estas actuacións, e desculpas polas molestias que se poidan ocasionar.

As liñas vermellas da imaxe correspóndense cos valados para interromper o tráfico de vehículos.

Os traballos de reposición do pavimento nas rúas Lamas Carvajal e na praza do Correxidor e rúa de San Francisco, que comezarán mañá martes, 21 de maio, obrigan ao Concello a cortar o acceso de vehículos durante esta semana. A Policía Local colocará valados para impedir o tráfico, que permanecerán até a finalización das obras, prevista para o venres 24 de maio ás 15:00 horas.

Durante a realización das obras de reposición,poderase seguir transitando peonilmente por estas céntricas rúas da cidade. Desde o Concello de Ourense prégaselle comprensión á cidadanía no período que duren estas actuacións, e desculpas polas molestias que se poidan ocasionar.

 

Reforma Avenida Otero Pedrayo

As obras de reforma e remodelación da Avenida Otero Pedraio son unha realidade. Os condutores ourensáns xa se poden beneficiar das actuacións de mellora de seguridade viaria e para a integración urbana nos dous primeiros quilómetros desta vía despois da súa entrada en servizo ao finalizar a Xunta as obras de reforma, nas que investiu máis de 2,2 millóns de euros.

O alcalde de Ourense, Jesús Vázquez; o presidente da Xunta, Alberto Núñez Feijóo e a concelleira de Infraestruturas e Mobilidade, Ethel Vázquez, visitaron esta tarde as obras xa rematadas no inicio do tramo da estrada autonómica OU-538, para adaptala a súa condición de vía totalmente integrada no tecido urbano.

Convenio Ponte Vella

O Concello de Ourense acolleu este martes a sinatura do convenio de colaboración coa Xunta de Galicia para executar a 2ª fase do Proxecto de Posta en Valor da Ponte Vella, unha actuación que converterá este espazo nunha referencia para cidadáns e turistas.

Foto logo Móvete por Ourense

“É un modelo de convivencia grazas ao que toda a cidadanía vai saír reforzada; un programa con vontade e valentía e no que toda a cidadanía conta, e suma”, afirma o alcalde de Ourense, Jesús Vázquez.

Preme AQUÍ para descargar a documentación.

Cortes de rúas

Con motivo da celebración da Semana Europea da Mobilidade, desde o día 16 ao 22 de setembro estará prohibido aparcar (aínda que si poderán circular os vehiculos) na rúa Concordia e no primeiro tramo da Avenida de Buenos Aires (o que vai desde a Praza das Mercedes ata a rúa Valle Inclán).

Peonalización

A cidade de Ourense gañará novos espazos peonís para a veciñanza na contorna do Parque de San Lazaro desde o domingo, 16 de setembro, coa peatonalización, con carácter definitivo, das rúas Xaquín Lorenzo e o primero tramo de Cardenal Quevedo, entre o Parque e a Avenida da Habana. Así o anunciou esta mañá o alcalde de Ourense, Jesús Vázquez. A peatonalización destas dúas rúas é unha das medidas acordadas no marco do plan participativo para a mellora da mobilidade na cidade “Móvete por Ourense”, no que participaron máis de 10.000 ourensáns que achegaron propostas para mellorar a mobilidade na cidade, tanto en materia de seguridade como de accesibilidade, eficiencia e calidade ambiental.

Comisión Móvete por Ourense

A comisión técnica do proceso participativo 'Móvete por Ourense', integrada por representantes dos partidos políticos con representación municipal -a excepción de DO-, técnicos municipais e a consultora de Urbanismo Urba+, celebrou esta mañá a súa última reunión para incluír as achegas ao Plan Integral de Accións -que se engaden ao plan de 21 accións decididas na última xuntanza- e a cronoloxía das mesmas. O proceso, que contou coa implicación de máis de 10.000 persoas, supera unha nova etapa e camiña cara a aprobación dun pacto municipal pola mobilidade.

Xunta de Goberno Local

O novo contrato de subministración eléctrica do Concello de Ourense, adxudicado mediante procedemento aberto ás ofertas económicas máis vantaxosas e que cumprían cos criterios definidos dos pregos de condicións, suporá un aforro anual de máis de 800.000 euros para as arcas municipais. “

Fachada do Concello.

A Concellería de Infraestruturas está a estudar a execución de melloras e obras en colectores de saneamento de determinados puntos da cidade, tras as precipitacións extraordinarias caídas en Ourense nas treboadas das dúas últimas semanas, nas que se produciron precipitacións dunha intensidade superior ós 10 litros por metro cadrado en dez minutos.