Praza Maior 1        988 388 100

Atopar
Buscador Concello de Ourense

Medio Ambiente

Áreas

Foto da presentacion da campaña

A Concellería de Medio Ambiente en colaboración coa empresa concesionaria Ecourense dálle resposta á demanda dos comerciantes de Ourense de facilitarlles o acceso á recollida de papel e cartón comercial como mellora sustentable da cidade. Jorge Pumar, tenente de alcalde e concelleiro de Medio Ambiente resalta que este plan permitirá darlle servizo a calquera empresa en calquera punto de Ourense, mellorando a xestión do cartón comercial, mellorar a estética das rúas e, sen dúbida, dar un salto cuantitativo e cualitativo na recollida de papel e cartón da cidade. Estas melloras só teñen un fin: mellorar a calidade de vida dos cidadáns e a sustentabilidade urbana da nosa cidade.

Contenedores novos

A rúa Florentino Cuevillas conta, desde hoxe, coa primeira illa de contedores semisoterrados de cinco fraccións [para plásticos, para papel, para vidro, para orgánico e para outros, ademais dun depósito para baterías] da cidade. Estes contedores e os da rúa Sáenz Díez, de próxima instalación, están en fase de proba para determinar a súa utilidade e impacto estético. O alcalde de Ourense, Gonzalo Pérez Jácome, que acudiu á posta en funcionamento desta illa xunto ao tenente de alcalde e concelleiro de Medio Ambiente, Jorge Pumar, agarda que “o prego poida estar en febreiro ou marzo e que poidamos ter contedores novos para o verán”.

Estes novos contedores soterrados son de carga superior, e baléiranse nos camións de recollida de lixo por un sistema de pluma. Ademais, contan con 3 m3 de capacidade (3.000 litros), case o dobre de capacidade que os anteriores (de 1,5 m3). Ademais, teñen unha práctica infografía no seu exterior que orienta os usuarios sobre que tipo de residuos se deben verquer en cada un.

O rexedor quixo salientar, ademais, que incorporan tecnoloxía de intelixencia artificial: “teñen uns sensores de recheo que alerta os camións de recollida, e así evitamos contaminar máis”.

Novos contedores soterrados

O Concello de Ourense comezou, esta mañá na rúa Florentino Cuevillas, a instalación dos novos contedores de lixo para a cidade. É o caso dunha illa que albergará cinco contedores soterrados para a recollida dos seguintes residuos sólidos urbanos: vidro, papel, envases, bioresiduo e resto.

A instalación comezou coa desmontaxe da illa existente. Así, procedeuse á súa limpeza e á retirada de restos do fondo do foxo de contención. A partir de aí, comézase a instalar o novo modelo, en fase de proba. Trátase dunha illa con cinco contedores MOLOK® Classic coas seguintes características: interior ríxido de polietileno de alta densidade; 3 m3 de capacidade; o sistema de apertura é de dobre gancho; contén depósitos de lixiviados independentes na parte inferior; as tapas están coloreadas para identificar cada tipo de residuo. 

Como se comentou no seu día, este modelo de contedores e o que se instalará na rúa Sáenz Díez están en fase de proba, para ver cal deles se adapta mellor ás necesidades da recollida de lixo na cidade. Ademais, esta nova instalación xa incorpora o quinto contedor, dedicado aos residuos orgánicos, en resposta á entrada en vigor da nova Lei de Residuos.

Cartel do Ecomagosto

A Concellería de Medio Ambiente aposta por un Magosto de carácter sostible e responsable neste ano 2019. Para iso, desenvolverá unha novidosa campaña coa que busca involucrar os cidadáns de todas as idades a través de dúas accións moi concretas: a reciclaxe de vidro e a educación. O responsable da área, Jorge Pumar, lembrou que “o Magosto é a festa da identidade de Ourense”, dixo. “Queremos que a xente participe, que o pase ben, pero tamén que respecte os espazos comúns, pero o obxectivo desta campaña é chamar a atención sobre o lixo que deixamos no monte e, ao mesmo tempo, traballar cos nenos, o futuro de Ourense, na educación ambiental”.

A Concellería de Medio Ambiente e Perímetro Rural do Concello de Ourense volve abrir o prazo para anotarse nas actividades para todos os públicos no Botánico de Montealegre, obradoiros para achegarlles aos ourensáns o seu medio máis próximo e fomentar o parque como un dos espazos de lecer de referencia para toda a cidade.

Contedores semisoterrados

O Concello de Ourense implantará un novo sistema de contedores para reemprazar as illas ecolóxicas, actualmente en desuso. Serán últimos modelos aparecidos no mercado, que se colocarán nas rúas Florentino Cuevillas, e Sáenz Díez, para avaliar cal é a mellor solución para trasladar posteriormente a toda a cidade. Tamén probará novos modelos de contedores en superficie en 5 barrios da cidade, cun deseño de menor altura e inferior impacto estético.

O alcalde de Ourense, Gonzalo Pérez Jácome, e o tenente de alcalde, Jorge Pumar explicaron esta mañá as diferentes fases do que constituirá unha completa posta ao día e mellora do equipamento de contedores en superficie e soterrados cos que conta actualmente a cidade.

Horto urbano

Infórmase aos titulares dos hortos identificados cos números 6, 7, 8, 10, 11, 12, 14, 15, 16, 17, 18, 19, 20, 21, 22, 24, 27, 28, 35, 42 en Montealegre e 55, 56, 57, 58, 59, 60, 61, 62, 67, 68, 69, 70, 71 en Mariñamansa, que a autorización de que dispoñen para o uso dun horto, finaliza o 9 de decembro de 2019.

Se desexan prorrogar por un ano mais deberán manifestalo por escrito presentado nas formas legalmente admitidas, dirixido á Concellería de Medio Ambiente, ou por comparecencia ante o Servizo de Medio Ambiente do Concello de Ourense, sito na Praza San Martiño 2 3º. 

O prazo para solicitar a prórroga remata o 25 de outubro de 2019, sen prexuízo de que se poida prolongar, se a tramitación do expediente o permite. 

A concesión de prórroga é requisito necesario para poder seguir dispoñendo do horto por un ano máis.

 

 

 

 

 

Foto da presentación da campaña

O Concello de Ourense súmase a Ecovidrio, a entidade sen ánimo de lucro encargada da xestión da reciclaxe dos residuos de envases de vidro en España, na súa campaña “Recicla vidro por elas”. Unha iniciativa que ten como obxectivo mobilizar aos cidadáns para reciclar envases de vidro e contribuír así cunha causa solidaria: sumar esforzos fronte ao cancro de mama. Durante os próximos días, 2 iglús rosas estarán nun lateral da Praza Maior coa intención de transformar os envases depositados neles nunha doazón á Fundación Sandra Ibarra de Solidariedade Fronte ao Cancro. A fin dos fondos será financiar a investigación contra o cancro de mama.

Cartel do punto limpo móbil

Tomos somos conscientes de que reciclar é cousa de todos pero á vez debemos dispoñer da infraestrutura adecuada para facelo. Por este motivo, o Concello quere dar a coñecer entre a cidadanía o servizo do Punto Limpo Móbil de Ourense e animar a veciños e veciñas a utilizar este elemento na oferta da reciclaxe, que ten sido pioneiro na comunidade autónoma.

Cartel da actividade

O Concello de Ourense retomará este sábado, 28 de setembro, a saída cicloturista da Semana Europea da Mobilidade, que tivo que ser suspendida o pasado sábado a causa do mal tempo. Especialmente pensada para as familias, e guiada por expertos, propón unha ruta polas dúas marxes do río Miño, saíndo ás 17:00 horas desde as piscinas de Oira até chegar á pasarela de Outariz, e regreso pola ribeira esquerda do río.

As persoas participantes aprenderán a revisar unha bici antes de saír, coñecerán medidas de precaución que se deben tomar, en especial na saída en familia e con nenos pequenos, e aprenderán como actuar en situacións de emerxencia. A actividade está organizada polo Concello de Ourense, Maese Bike e Biciescola. As prazas son limitadas e as inscricións pódense realizar en semana_da_mobilidade@ ourense.gal