Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Medio Ambiente

Áreas

Foto da presentación da campaña

O Concello de Ourense súmase a Ecovidrio, a entidade sen ánimo de lucro encargada da xestión da reciclaxe dos residuos de envases de vidro en España, na súa campaña “Recicla vidro por elas”. Unha iniciativa que ten como obxectivo mobilizar aos cidadáns para reciclar envases de vidro e contribuír así cunha causa solidaria: sumar esforzos fronte ao cancro de mama. Durante os próximos días, 2 iglús rosas estarán nun lateral da Praza Maior coa intención de transformar os envases depositados neles nunha doazón á Fundación Sandra Ibarra de Solidariedade Fronte ao Cancro. A fin dos fondos será financiar a investigación contra o cancro de mama.

Cartel do punto limpo móbil

Tomos somos conscientes de que reciclar é cousa de todos pero á vez debemos dispoñer da infraestrutura adecuada para facelo. Por este motivo, o Concello quere dar a coñecer entre a cidadanía o servizo do Punto Limpo Móbil de Ourense e animar a veciños e veciñas a utilizar este elemento na oferta da reciclaxe, que ten sido pioneiro na comunidade autónoma.

Cartel da actividade

O Concello de Ourense retomará este sábado, 28 de setembro, a saída cicloturista da Semana Europea da Mobilidade, que tivo que ser suspendida o pasado sábado a causa do mal tempo. Especialmente pensada para as familias, e guiada por expertos, propón unha ruta polas dúas marxes do río Miño, saíndo ás 17:00 horas desde as piscinas de Oira até chegar á pasarela de Outariz, e regreso pola ribeira esquerda do río.

As persoas participantes aprenderán a revisar unha bici antes de saír, coñecerán medidas de precaución que se deben tomar, en especial na saída en familia e con nenos pequenos, e aprenderán como actuar en situacións de emerxencia. A actividade está organizada polo Concello de Ourense, Maese Bike e Biciescola. As prazas son limitadas e as inscricións pódense realizar en semana_da_mobilidade@ ourense.gal

O Concello de Ourense súmase á celebración da Semana Europea da  Mobilidade (16 ao 22 de setembro), cun programa de actividades divulgativas e de sensibilización destinadas a concienciar sobre as consecuencias negativas que ten o uso irracional do coche na cidade, tanto para a saúde pública como para o medio ambiente e os beneficios do uso de modos de transporte máis sostibles como o público, a bicicleta ou os desprazamentos a pé. 

Aguia que se utilizará na campaña

O Concello de Ourense pon en marcha unha campaña fronte á invasión de estorniños na cidade. O alcalde, Gonzalo Pérez Jácome, e Juan Fraga, responsable da empresa Larus Control, explicaron esta mañá as intervencións que se levarán a cabo para desprazar a colonia de estorniños que se atopa en Ourense coa finalidade de poñer fin ás molestias que a proliferación destas aves lle ocasiona á cidadanía ao xerar excrementos, ruídos e impedir gozar dos diferentes espazos públicos onde se asentan.

Foto da reunión

O alcalde de Ourense, Gonzalo Pérez Jácome mantivo esta mañá unha xuntanza co presidente, Rafael Castro, e o secretario, Abel Mares da delegación en Ourense do Colexio Arquitectos de Galicia para avanzar no proxecto de reforma das marxes do río Miño ao seu paso pola cidade. Concello e Colexio traballan da man para a próxima convocatoria dun concurso de ideas para que profesionais da arquitectura e a enxeñaría presenten as súas propostas para poñer en valor as ribeiras do río.

Foto da campaña

Saber separar os residuos que van a cada colector do lixo ou mesmo recoñecer os diferentes tipos de plásticos susceptibles de ser reutilizados. Son algunhas das accións da campaña 'Separar con Xeito', que desenvolverán o Concello de Ourense, Consellería de Medio Ambiente e Ecoembes a través dunha carpa informativa que se colocará no mercado ás beiras do río Barbaña que se celebra os días 7, 17 e 26 de cada mes.

Fotografía dunha bandada de estorniños

O Concello de Ourense adoptará medidas para evitar que o asentamento de bandadas de estorniños na cidade poidan provocar problemas de saúde na veciñanza, especialmente causados polos seus excrementos. A solución pasaría por incluír aves rapaces que escorrenten estes paxaros do seu hábitat. Segundo as estimacións da Concellería de Medio Ambiente, poderíamos chegar ás 35.000 unidades de estorniños na cidade, “un problema ao que se lle ten que dar solución nun espazo breve de tempo”, en palabras do alcalde de Ourense, Gonzalo Pérez Jácome, “ante as reiteradas queixas dos veciños das zonas afectadas”.

Plano das rúas afectadas

O plan de limpeza intensiva dos barrios que desenvolven o Concello de Ourense e a empresa concesionaria Ecourense chegará mañá, mércores, día 21 de agosto, ao barrio das Camelias, con intervencións nas rúas Estreita, Ponte Pelamios, segundo tramo da rúa Carriarico, desde a rúa Aturuxo até a Avenida de Portugal, e no primeiro tramo das Camelias, desde a rúa Aturuxo até Ponte Codesal.

Foto do acto de presentación da campaña

O alcalde de Ourense en funcións e concelleiro de Medio Ambiente, Jorge Pumar, e o concelleiro de Deportes, Mario Guede, presentaron este mediodía nas piscinas de Oira a campaña de reciclaxe ambiental 'Unha cidade máis sostible, máis limpa', desenvolvida polo Concello de Ourense en colaboración coa empresa concesionaria da limpeza viaria, Ecourense. A campaña consistirá no reparto de 5.000 conos, que tamén se poden empregar a modo de cinceiro, para depositar cabichas e outros residuos pequenos como pipas, chicles, caramelos, envoltorios pequenos.