Praza Maior 1        988 388 100

Atopar
Buscador Concello de Ourense

Medio Ambiente

Áreas

Unha rata

O Concello de Ourense afrontará a proliferación de ratas que, co tempo de primavera, volven aparecer en diferentes puntos da cidade. A partir desta semana, o departamento de Medio Ambiente intensificará os tratamentos preventivos de desratización, desinfección e desinsectación en todo o municipio, cunha primeira fase de choque que se desenvolverá durante todo o mes de maio.

Presentación das sendas peonís na comarca de Ourense

O Concello agradece á Xunta a súa sensibilidade co Plan de Sendas de Galicia, trala reunión mantida o 3 de maio co director da Axencia Galega de Infraestruturas, Francisco Menéndez, acompañado pola delegada territorial da Xunta en Ourense, Marisol Díaz, e o concelleiro de Infraestruturas e Medio Ambiente, José Araújo, na que lles trasladou que  o Diario Oficial de Galicia (DOG) publica a licitación da redacción do proxecto de construción das sendas peonís e ciclistas na comarca de Ourense.

Horta urbana

O Concello ven de facer pública a lista provisional de admitidos/as ao procedemento para o outorgamento de autorizacións de uso de hortos municipais reservados a persoas con mobilidade reducida. A concesión faise a raíz das Bases Reguladoras do Procedemento para o outorgamento de autorizacións de uso de hortos municipais no parque de Montealegre e en Mariñamansa.

Visita aos contenedores de compostaxe en Seixalbo

O concelleiro de Infraestruturas, Medio Ambiente, Limpeza e Perímetro Rural do Concello de Ourense, José Araújo, acompañado por técnicos ambientais, visitou óos veciños de Seixalbo para comprobar de primeira man como están a levar a cabo o proceso de compostaxe nos compostadores proporcionados polo Concello dentro do programa Compostaxe: toda unha vantaxe, realizado en colaboración con Sogama.

Xuntanza para planificar as accións do Botánico de Montealegre

O Concello de Ourense está a planificar as actividades que se desenvolverán no Botánico de Montealegre. Así, estanse a producir reunións de traballo entre os técnicos da Concellería de Medio Ambiente e a empresa Xesmega, ganadora do concurso da xestión do Centro de Visitantes Montealegre desde o 7 de abril.

Premios da campaña Porta a Porta

O Salón de Plenos do Concello de Ourense acolleu a entrega dos premios da acción encamiñada a promover a reciclaxe de vidro entre os máis de 200 locais de hostalería da zona centro e centro histórico de Ourense. O acto estivo presidido polo Alcalde de Ourense, Jesús Vázquez e José Araújo, Concelleiro da área de Infraestruturas e Medio Ambiente, e contou coa presenza de María Cruz Ferreira, Directora Xeral de Calidade Ambiental da Consellería de Medio Ambiente e de Germán Fernández, Xerente de Ecovidrio en Galicia.

Reunión de Jesús Vázquez, José Araújo e o presidente da CHMS.

O Concello de Ourense e a Confederación Hidrográfica Miño Sil (CHMS) acordaron diferentes actuacións para unha mellora integral das canles dos ríos da cidade. Así, as reunións entre o alcalde de Ourense, Jesús Vázquez, e o presidente da CHMS, Francisco Marín, traduciranse na redacción de proxectos para a limpeza e restauración hidrolóxico – forestal, así como para a mellora da conectividade dos tramos urbanos dos ríos Miño, Barbaña, Barbañica (regato dos Muíños) e Loña, actuacións que se estenderán tamén aos regatos de Vista Hermosa, Valdorregueiro e Oira.

Horto municipal

O Concello de Ourense abre convocatoria para que as persoas interesadas podan solicitar a autorización de uso de hortos municipais. Publicada no Boletín Oficial da Provincia do pasado luns, inclúe un total de 36 hortos situados no Parque de Montealegre e Mariñamansa. O prazo para solicitalos, a través do Rexistro Xeral do Concello, está aberto ata o venres, día 7 de abril.

Horto municipal

O Boletín Oficial da Provincia (BOP) publica o 10 de marzo unha nova convocatoria para optar ós hortos municipais do Parque de Montealegre e Mariñamansa. O prazo de solicitude é de 20 días dende a súa publicación.

Praza Maior de Ourense

O Concello de Ourense acometerá unha posta ao día do servizo municipal de préstamo de bicicletas. Tras case dez anos de funcionamento, o Concello pretende iniciar unha necesaria modernización deste servizo municipal, para o que revisará o estado da totalidade das unidades, pintaraas de novo, avaliará a adquisición de novas bicicletas para incrementar as unidades existentes ou substituír aquelas que acumulen un maior nivel de uso co paso do tempo, así como outras melloras que podan redundar nun maior e mellor servizo público.