Sanidade
Áreas
Blog da área de Sanidade
Servizos de cemiterios e liñas de autobuses para a festividade de 'Fieis Defuntos'.
- Detalles
O Concello de Ourense reforzará os servizos de cemiterios e as liñas de autobuses que conectan os mesmos para que a cidadanía poida achegarse a honrar os seus familiares na festividade de 'Fieis Defuntos'.
Actividades de lecer saudable para as familias nas fins de semana
- Detalles
O Concello de Ourense pon a disposición das familias da cidade unha nova edición do programa Ocio en familia, con 5 actividades nas que terán a oportunidade de gozar do seu tempo de lecer en común entre nais, pais, fillos e fillas. Alimenta a saúde, Xogos parta compartir, Mira Ourense con outros ollos, Os Camiños da auga e A luz da lúa son as seis propostas, que se desenvolverán durante as fins de semana, desde o 25 de maio ate o 15 de xuño. As familias poden recibir máis información ou inscribirse na Concellería de Sanidade, rúa Vasco da Ponte nº1, 988510622
650 escolares participan nos programas de promoción da saúde
- Detalles
Máis de 650 escolares de cinco centros educativos e 20 familias da cidade participan, este curso 2018-19, nos programas de promoción da saúde e prevención de condutas adictivas que desenvolve a Concellería de Sanidade: o programa Vixía e a Escola de Nais e Pais, respectivamente.
O Concello destinará máis de 200.000 euros á mellora da canceira
- Detalles
O Concello de Ourense aprobou o Proxecto de reforma e adaptación á normativa vixente da Canceira Municipal, unha obra que contará cun orzamento de preto de 220.000 euros, e que vai supoñer unha gran transformación das actuais instalacións co obxectivo de mellorar a atención que reciben os animais acollidos nestas instalacións, así como a súa seguridade.
Servizo municipal de apoio as familias
- Detalles
Programa SMaFF: Servizo Municipal de Apoio a Familias con fillos
A quen vai dirixido o servizo
A familias ante situacións difíciles ou conflitivas e problemas familiares puntuais que lle xeren angustia ou medos por condutas problema de inicio por parte dos seus fillos ou calquera membro da familia e así evitar a súa cronificación.
- Problemas relacionais e conflito xeracional
- Uso incipiente de drogas e presenza de problemas relacionados (baixo rendemento académico, condutas antisociais, inicio de comportamentos violentos etc...)
Metodoloxía:
- Personalizada, individualizada, confidencial e gratuíta.
- Activa e participativa.
- En pequenos grupos, con necesidades similares.
Estratexias:
- Escoita activa
- Empatizar e tranquilizar
- Valorar cada situación sen interferencias
- Responder de maneira concreta
- Rexistrar para a recollida de datos
- Non etiquetar a conduta
Actuacións
- O servizo está a cargo de persoal cualificado (psicóloga, técnica de prevención e educación familiar)
- Aténdense as chamadas telefónicas de petición, dando ao usuario/a día e hora para manter unha entrevista de orientación presencial.
- Unha vez que o usuario/a accede ao servizo, aténdese a súa demanda persoalmente de forma clara, detallada e comprensible nun máximo de tres sesións salvo que se considere oportuno continuar polas súas características particulares.
- Finalizadas a ou as sesións, pódese dar por concluído o caso ou realizar unha derivación externa a outros recursos especializados da rede social que se axusten de forma máis adecuada ás necesidades dos usuarios.
- Pódense crear pequenos grupos de pais con características similares.
- Coa análise de todos os casos realízase un Observatorio de Condutas para elaboración de novas estratexias de prevención, de promoción de saúde e de intervención.
Factores de éxito comprobados
- Proximidade: o Concello é a institución máis próxima ao cidadán e con máis recursos desde as súas distintas concellerías.
- Inmediatez: poder atender o máis pronto posible para que sexa efectiva a intervención.
- Voluntariedad: destácase a importancia da voluntariedade da familia tentando evitar na medida do posible os contextos de control se o que se quere conseguir é un cambio.
- Importancia do sistema familiar como motor de cambio: a intervención procúrase desde a mediación entre todos os membros da familia e se é necesario coa escola para evitar a problematización do menor tentando non actuar de maneira focalizada sobre o conflito.
- Bidireccionalidad: integración noutros programas xa existentes.
- O Observatorio de Condutas: é moi válido para afrontar novas estratexias no campo da prevención e da promoción da saúde (campañas, xornadas,…).
O Concello colabora coa campaña Salubrízate contra a gripe, que lle achegará á cidadanía información para previr esta enfermidade a través de charlas en centros cívicos, centros de saúde e asociacións de veciños
- Detalles
O Concello colabora coa campaña “Salubrízate contra a gripe”, que lle achegará á cidadanía información para previr esta enfermidade a través de charlas en centros cívicos, centros de saúde e asociacións de veciños. "As accións teñen como obxectivo concienciar e formar á sociedade de que hai hábitos do día a día para evitar ese contaxio. Queremos que Ourense sexa recoñecida como unha cidade con hábitos saudables”, sinalou o alcalde Jesús Vázquez
Campaña para a adopción responsable de animais abandonados
- Detalles
Con motivo da conmemoración do Día mundial dos animais a Concellería de Sanidade do Concello de Ourense en colaboración coa Protectora de animais Progape desenvolve unha campaña de promoción da adopción responsable de animais abandonados.
A Concellería de Sanidade vai a desenvolver os programas de promoción da Saúde e prevención de condutas adictivas
- Detalles
Un ano máis a Concellería de Sanidade vai a desenvolver os programas de promoción da Saúde e prevención de condutas adictivas
- Programa Vixia dixido ó alumnado da ESO.
- Programa “Escola de Pais e Nais”, dirixido a Nais, pais e axentes educadores, que este ano será en formato obradoiros, para o curso 2018/19.
Para máis información podedes poñervos en contacto coa concellería de sanidade chamando ao número de teléfono 988 510622 ou correo: Este enderezo de correo está a ser protexido dos robots de correo lixo. Precisa activar o JavaScript para velo.
Documentos dos programas
Plan Estratéxico de subvencións da Concellería de Sanidade do Concello de Ourense. Período 2018 - 2020
- Detalles
O artigo 10 do Real Decreto 887/2006, determina que os Plans Estratéxicos de Subvencións son un instrumento de planificación das políticas públicas. O da Concellería de Sanidade do concello de Ourense é un instrumento preceptivo, de carácter programático, cuxo obxectivo é a racionalización do gasto público na concesión das subvencións que se articulan desde o Concello de Ourense.
Petición de ofertas para a contratación por lotes dos Servizos de difusión e de desenvolvemento do ''Programa Ocio en Familia''
- Detalles
O traballo, a rutina, a falta de tempo fan que non podamos compartir cos nosos fillos e fillas todo o tempo de ocio que desexaríamos.