Praza Maior 1 988 388 100

Atopar
Buscador Concello de Ourense

Turismo e Termalismo

Áreas

Poza do Muíño da Veiga

A cidade de Ourense perderá o 80% da súa oferta termal como consecuencia da entrada en vigor da nova normativa autonómica, formada pola Lei 8/2019 de 23 de decembro de regulación do aproveitamento lúdico de augas termais de Galicia e da guía e plan de autocontrol de 16 de marzo de 2021.

A rehabilitación da Praza de Abastos número 1 incluirá tamén a construción dunha piscina termal e a reforma da contorna do edificio. Así o anunciou esta mañá o alcalde de Ourense, Gonzalo Pérez Jácome, logo de reunirse cos arquitectos e visitar no día de onte as obras de remodelación que se desenvolven actualmente no edificio do mercado municipal, sito nas proximidades das Burgas.

O Concello de Ourense analizará coa universidade o potencial dos baños termais para producir no corpo humano beneficios similares aos dun adestramento ou unha actividade deportiva. Trátase dunha iniciativa do alcalde de Ourense, Gonzalo Pérez Jácome, que ten como finalidade “dotar dun reclamo máis ao termalismo desta cidade”.

A reconstrución das Termas da Chavasqueira podería ser autorizada no próximo mes de xuño. O alcalde de Ourense, Gonzalo Pérez Jácome, e o presidente da Confederación Hidrográfica do Miño-Sil, José Antonio Quiroga, mantiveron unha xuntanza esta mañá a través de videoconferencia para avanzar en diferentes proxectos que ambas entidades teñen en marcha na cidade.

O Concello de Ourense presentarase, en calidade de prexudicado, no proceso xudicial aberto polo incendio na Chavasqueira do 24 de abril de 2019, unha decisión baseada nos informes do Servizo de Extinción de Incendios e nas pescudas da Policía Nacional.

Guías na Praza Mmaior

A Asociación Profesional de Guías de Turismo de Galicia reivindicou esta mañá a figura do guía “profesional, oficial, preparado e responsable coa súa contorna e cos seus habitantes”, nun acto na Praza Maior ao que asistiron a concelleira de Turismo e Termalismo, Flora Moure e o vicepresidente da Deputación Provincial, Rosendo Fernández. Coa mensaxe “Os guías de turismo tamén volvemos”, organizaron esta actividade no día de hoxe en diferentes cidades aproveitando que case todos os monumentos abren as súas portas e que a apertura das nosas fronteiras volve a colocar a Galicia no destino dos turistas.

A concelleira de Turismo expresou o apoio do Concello a este colectivo e un sector que, dixo “sufriu esta crise dunha maneira terrible, pero nos consta que leva meses preparándose con formación e con medidas de hixiene para afrontar esta nova etapa”, desexándolles “unha marabillosa etapa de reinicio da súa actividade”.

A Oficina Municipal de Información Turística da Rúa Isabel la Católica 2 está aberta ao público desde hoxe.

Foto do acto de presentación da campaña

“O Camiño entre augas” é o nome da proposta turística que amosou hoxe o Concello de Ourense no marco da Feira Internacional de Turismo Fitur, en Madrid. No evento tomaron parte o alcalde Gonzalo Pérez Jácome; a directora de Turismo de Galicia, Nava Castro; a concelleira de Turismo e Termalismo Flora Moure e maila actriz ourensá Cayetana Cabezas, quen, coas súas intervencións, guiou a cita.

O Concello de Ourense acode un ano máis á Feira Internacional de Turismo Fitur, que se celebra en Madrid do 22 ao 26 de xaneiro, cunha aposta polo termalismo aliado coa dinamización da Vía da Prata ao seu paso pola cidade.

Acto de presentación

A comisaria do Xacobeo 21, Cecilia Pereira, acompañada pola concelleira de Turismo en Ourense, Flora Moure, presentou hoxe no Liceo as actividades programadas para esta fin de semana en Ourense, Vilamarín e San Cristovo de Cea no marco de Vive o Camiño, o programa impulsado pola Xunta co obxectivo de dinamizar e poñer en valor o patrimonio xacobeo da Vía da Prata. “As actividades previstas teñen un prazo de inscrición aberto ata o xoves 05 de decembro, no teléfono 722 876 073, e por iso animo a todos os que lles gusten as camiñadas, os obradoiros e as catas, que se anoten nesta singular actividade que dinamizará a nosa cidade nesta ponte festiva, concretamente o 6 de decembro”, sinalou a concelleira de Turismo, Flora Moure, quen agradeceu a colaboración constante da Xunta de Galicia na promoción e dinamización turística da cidade de Ourense.