Praza Maior 1        988 388 100

Atopar
Buscador Concello de Ourense

Turismo e Termalismo

Áreas

Cartel do concurso

A Concellería de Turismo e Termalismo convoca un ano máis o Concurso de Pinchos Sabores de Ourense na súa edición de outono, xa a número 12, coas castañas e os cogomelos como protagonistas. A presenza destes ingredientes volve ser o requisito imprescindible para as receitas que se presenten a concurso, debendo tratarse de pinchos orixinais e creados ex profeso para o certame, no que se primen as materiais primas frescas, locais e de tempada.

Pincho gañador do concurso en 2018

A Xunta de Goberno Local do Concello de Ourense aprobou na súa sesión desta mañá as bases da próxima edición, que será xa a número 12, do Concurso Sabores de Ourense – Pinchos de Outono. Unha cita xa clásica de promoción da gastronomía ourensá, dedicada aos seus produtos de temporada, que este ano se celebrará do día 7 ao 17 de novembro. Coincidirá así cunha festa emblemática da cidade, o San Martiño, “que desde este Concello queremos potenciar e promocionar como unha grande celebración popular que sirva tamén como eixo de afluencia turística á nosa cidade”, sinalou o concelleiro Miguel Caride, na rolda de prensa na que informou dos acordos aprobados na sesión desta mañá da xunta de goberno local. Nos vindeiros días abrirase o prazo de inscrición para que os locais de hostalería da cidade podan participar un ano máis no evento.

Expositor do Concello en Expocidades

A cidade de Ourense participa un ano máis en Expocidades, a Mostra de Turismo de Cidades do Eixo Atlántico. Nesta edición, xa a 5ª, a feira trasládase a cidade portuguesa de Braga, un dos destinos turísticos europeos de maior proxección hoxe. A cita desenvólvese do 31 de maio ao 2 de xuño en pleno centro da cidade lusa, na Praça da República. Expocidades reúne a oferta turística de municipios de Galicia e Norte de Portugal integrados no Eixo Atlántico, entidade de cooperación transfronteiriza sen ánimo de lucro. A feira pon o foco no mercado de proximidade, buscando promover estes destinos ante o seu público final e, ademais, favorecer a relación directa entre axentes turísticos e comercializadores.

Termas da Chavasqueira

A empresa xestora das termas de A Chavasqueira, Ibernisha SL. vén de presentar no rexistro do Concello de Ourense o proxecto de rehabilitación das Termas da Chavasqueira, paso previo necesario para a posta en marcha das obras de recuperación desta infraestrutura termal.

Xuntanza do comité

“O Concello de Ourense, a Deputación Provincial e a Xunta de Galicia crearán un comité técnico para analizar as actuacións estratéxicas de desenvolvemento termal no ámbito de A Chavasqueira”. Así o confirmou o alcalde de Ourense, Jesús Vázquez, logo dunha reunión na que participaron a conselleira de Medio Ambiente, Territorio e Vivenda, Ángeles Vázquez; a directora xeral de Ordenación do Territorio e Urbanismo, Encarnación Rivas; a delegada territorial da Xunta en Ourense, Marisol Díaz Mouteira; o deputado de Cooperación, Pablo Pérez e membros da Corporación local.

Praza do Trigo e Catedral de Ourense.

Ourense arranca a tempada turística cunha campaña de promoción que convida a 'deXconectar' na Capital Termal. A oferta termal e de patrimonio, pero tamén a posición estratéxica no Camiño de Santiago, a festa dos Maios ou a programación cultural serán algúns dos atractivos resaltados nas accións. Búscase chegar ao turista nacional coma estranxeiro: usuarios das Liñas de Alta Velocidade de RENFE e nos vos de Air Europa, presente nos tres aeroportos galegos, e hóspedes da Rede de Paradores. A oficina de turismo ampliará o seu horario de apertura ante a previsión de incremento de visitantes durante Semana Santa.

Estudio caudal As Burgas

A contorna das Burgas dispón do suficiente caudal para acoller un hotel balneario. Así se desprende dun estudo realizado pola Xunta, a proposta do Concello, no que se avalía o potencial desta zona termal da cidade e que o alcalde de Ourense, Jesús Vázquez, e conselleiro de Economía, Emprego e Industria, Francisco Conde, analizaron durante un recente encontro. Esta análise, realizada pola empresa Geocisa, especifica que cos caudais potencialmente explotables nos terreos do antigo cárcere (que inclúen tanto o punto de saída de auga termal desta zona como os situados no Xardín das Burgas e nos Baños de Outeiro) poderíanse obter ata 2,85 litros por segundo sen causar afectación.“Estes datos despexan as posibilidades que ofrece a contorna como motor termal da cidade, xa que farían viable a construción dun hotel balneario axustado e dimensionado ao devandito caudal”, afirma o rexedor.

A cidade de Ourense é un dos destinos escollidos por Renfe para desfrutar dunha “Escapada de invierno”, unha promoción que anima a descubrir a nosa cidade con prezos especiais e que se suma a outra iniciativa da Red Nacional de Ferrocarriles Españoles, na que a cidade das Burgas é outro dos once destinos propostos pola compañía para “Vivir el Carnaval”.

Ioga termal Burgas

A Concellería de Termalismo do Concello de Ourense organiza, até o mes de xuño, a actividade “Ioga termal nas Burgas”. Celebraranse dous sábados ao mes, en horario de 11 a 12:30 horas, con aforo limitado, comezando o día 16 de febreiro.

Presentación da campaña turística "DeXconecta #Ourensanamente"

Jesús Vázquez presenta en FITUR a campaña turística “DeXconecta #Ourensanamente”, unha proposta que defende Ourense “coma unha forma de vivir, unha experiencia e unha sensación”. “Fomos capaces de inventar un novo concepto: a DeXconexión”, defendeu o rexedor. Trátase dunha proposta que xorde das oportunidades de gozar da saúde e relaxación que ofrece ser a Capital Termal de Galicia, ao tempo que se pode descubrir unha riqueza cultural e patrimonial única, ou gozar das mellores experiencias culinarias. O rexedor recordou que o AVE achegará cada vez máis a posibilidade de “experimentar esta explosión de sensacións” ao situar Ourense a menos de tres horas de Madrid. O concelleiro de Turismo e Termalismo, Jorge Pumar, destacou que a campaña “DeXconecta Ourense” provén de escoitar as necesidades das persoas que visitan a nosa cidade, do que buscan e da experiencia que se levan aos seus fogares.