Praza Maior 1        988 388 100

Atopar
Buscador Concello de Ourense

Turismo e Termalismo

Áreas

Campaña Márcate un triple en Ourense

A Concellería de Turismo promociona a cidade de Ourense como destino turístico en toda España a través de Club Ourense Baloncesto. “Márcate un triple en Ourense” é o título da nova campaña que pon en marcha a Concellería, coa finalidade de posicionar a cidade como un destino turístico ideal entre o público seguidor do baloncesto nacional, convidándoos a gozar de tres grandes atractivos; baloncesto, espazos termais e gastronomía, xunto con recursos como o patrimonio, a súa oferta cultural ou a paisaxe.

Claustro de San Francisco

O Claustro de San Francisco manterase pechado até o martes 14 ao público por obras de mellora e remodelación na súa estrutura.

Estación termal de As Burgas

O Concello de Ourense pechará a estación termal das Burgas desde o domingo 12 ata o venres 17 de febreiro, ambos incluídos, para efectuar labores de mantemento. As actuacións centraranse nas instalacións e nos aseos, para que desta forma estean preparadas para as datas do Entroido, nas que Ourense agarda recibir un maior número de visitantes.

Reunión entre Jorge Pumar e Alejandro Rubín

O concelleiro de Turismo e Termalismo do Concello de Ourense, Jorge Pumar, e o xerente de Expourense, Alejandro Rubín, veñen de realizar a primeira das reunións para a planificación das actividades de promoción turística e termal da cidade para o ano 2017.

Ourense un plan perfecto

Ourense naceu como Aquis Auriensis, a cidade do ouro e a auga. Así foi chamada polos romanos, que hai dous mil anos fundaron nesta zona un primitivo asentamento ao pé das Burgas,as fontes nas que aínda hoxe continúa manando a auga máis de 60oC. Desde as súas orixes a cidade viviu nunha estreita relación coas súas augas termais, que aquí acadan un dos maiores caudais de toda Europa.

 

 

Roteiro termal polas beiras do Miño

Ourense non se entende sen a auga: a dos seus ríos e regatos, a da choiva, a que xoga nas fontes e moi especialmente as súas augas termais mineromedicinais. Baixo a cidade discorre un océano formado nas profundidades da terra, en acuíferos a máis de 1 km de profundidade, e que brota á superficie cun caudal de entre 3 e 4 millóns de litros ao día, un dos máis altos de Europa.