Praza Maior 1        988 388 100

Atopar
Buscador Concello de Ourense

Turismo e Termalismo

Áreas

Ourense, destino turístico

Cimborrio de la catedral de Ourense
 
Ourense naceu como Aquis Auriensis, a cidade do ouro e a auga. Así foi chamada polos romanos, que hai dous mil anos fundaron nesta zona un primitivo asentamento ao pé das Burgas,as fontes nas que aínda hoxe continúa manando a auga máis de 60oC. Desde as súas orixes a cidade viviu nunha estreita relación coas súas augas termais, que aquí acadan un dos maiores caudais de toda Europa.

Estas mananciais, agasallo da Natureza, son sen dúbida un dos principais atractivos turísticos de Ourense: ben sexa no centro histórico ou nas marxes do río Mio, calquer momento do día é bo para gozar dun baño quente ao aire libre nalgunha das súas instalacións, sexa inverno ou verán.

Pero Ourense é moito máis que auga, é un destino que sorprende a quen nos visita. Situado nunha encrucillada natural de camiños e cunha paisaxe debuxada polo curso dos ríos, a cidade tivo sempre unha vontade de proxección cara ao exterior que se traduce no sentido da hospitalidade que caracteriza as súas xentes.

Nas praciñas e ruelas do seu Centro Histórico, un fermosos laberinto construído en pedra, pálpase ben ese carácter amable, con animadas terrazas á sombra de monumentos como a Catedral de San Martiño, o Antigo Pazo Episcopal ou o Pazo Oca ­ Valladares (hoxe, o Liceo).

A súa apretada axenda cultural, a variada oferta comercial e a súa magnífica gastronomía acaban de perfilar unha cidade que destaca pola súa calidade de vida e cautiva aos seus visitantes.

Propostas para coñecer Ourense

 Amplía información e planifica a tua viaxe en www.turismodeourense.gal

Documentos

O presidente da Xunta, Alberto Núñez Feijóo e o alcalde de Ourense, Jesús Vázquez, durante a a inauguración do novo albergue de peregrinos de Ourense.

O novo albergue de peregrinos de Ourense, o mellor de toda a rede do Xacobeo, terá un centro de interpretación do Camiño Mozárabe-Vía da Prata. Así, no albergue "Eligio Rivas Quintas", os peregrinos poderán acceder a toda a información que precisen sobre a ruta xacobeo de maior percorrido, que conecta Sevilla con Compostela.

O concelleiro de Turismo, Jorge Pumar, durante a súa asistencia a INTUR 2018

A cidade de Ourense promociona o seu potencial como destino turístico e termal na Feira Internacional do Turismo de Interior, INTUR 2018, un prestixioso certame especializado que se desenvolve na feira de Valladolid desde o día 22 ao 25 de novembro.

Fachada albergue de peregrinos

“Este convenio será un paso moi importante para a apertura ao público, á maior brevidade, do que está chamado a ser o albergue de referencia no Camiño de Santiago: pola súa dotación, servizos e modernidade”, sinala o rexedor Jesús Vázquez. O Fogar do Transeúnte reforzará a súa Campaña contra o Frío con 196 horas máis de apertura das súas instalacións nas tardes das fines de semana e festivos, entre novembro e marzo. Ambas propostas foron informados na rolda de prensa posterior á Xunta de Goberno Local, na que se aprobaron un total de 20 asuntos

Turistas visitan as rúas de Ourense.

Os turistas que visitan Ourense teñen un completo e gratuíto servizo de audioguías á súa disposición. Ofrecen unha descrición profesional con información máis de 20 puntos da nosa cidade, desde o Ourense monumental até as pontes, o conxunto arqueolóxico de Santomé ou os espazos termais do río Miño. As Audioguías, en castelán, galego e inglés, pódense escoitar online desde a páxina web da Concellería de Turismo e Termalismo. O concelleiro Jorge Pumar considera que son “un servizo máis á disposición do turista que visita a nosa cidade, e un recurso para coñecer os lugares máis emblemáticos”.

Foto Burgas

A media mensual de turistas foi de 1.651 persoas, se ben o número real foi incrementándose ao longo do ano: o mes de xuño rexistrou 2.123 visitantes.
“Ourense está chamada a converterse na gran porta de entrada a Galicia, tal e como demostra o aumento de visitantes de España e, cada vez máis, de fóra das nosas fronteiras”, apunta o alcalde Jesús Vázquez.
O número de visitantes procedentes doutros países aumentou un 353% (de 122 a 553 persoas atendidas) entre o primeiro e o sexto mes do ano, e o de visitantes españois un 217% (668 en xaneiro e 2.123 en xuño).
No caso dos peregrinos, o maior número procede de Francia (122), Estados Unidos (67) e Alemaña (55).

Logo do programa co gallo de Día Internacional do Guía Turístico

Con motivo do Día Internacional do Guía Turístico, o alcalde, Jesús Vázquez; o concelleiro de Turismo, Jorge Pumar; e a delegada territorial da Xunta de Galicia, Marisol Díaz, participaron nunha visita guiada á Catedral organizada por este colectivo profesional.

Presentación de Ourense en FITUR

O venres, 19 de xaneiro, tivo lugar no stand de Galicia da Feria Internacional de Turismo de Madrid a presentación turística da cidade de As Burgas, nun acto que contou con Sergio Pazos como mestre de cerimonias, con Adriana Domínguez como madriña e coas intervencións do alcalde, Jesús Vázquez; da directora da Axencia de Turismo de Galicia, Nava Castro; e do concelleiro de Turismo, Jorge Pumar. Ao remate, o vixente Mellor Chef de Tapas de Galicia, Miguel González Quintela, preparou un pincho especial para o público asistente elaborado con auga de As Burgas.

Presentación da campaña con Logitravel

No marco da Feria Internacional de Turismo FITUR, Ourense e Logitravel renovaron o seu seu compromiso de colaboración para situar a cidade como destino singular cun paquete turístico completo que inclúe tren, hotel e alquiler de vehículo.

Oficina de Turismo de Ourense

O ano 2017 trouxo a Ourense case 4.000 turistas máis que no ano anterior, até un total de 30.561, o que supón un aumento do 15% respecto a 2016.

Presentación do proxecto dun hotel na rúa Reza

Ourense contará cun novo hotel de 25 habitacións, con dúas delas tipo suite, e catro estrelas. Terá piscina termal, ximnasio, salas de reunións e xardíns.