Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Urbanismo, Licenzas e Vivenda

Áreas

Praza do Cabildo

A Xunta de Goberno Local do Concello de Ourense acordou na súa xuntanza do día 6 de maio de 2020, conceder licenza á empresa instaladora para a despregadura da fibra óptica no Núcleo Etnográfico de Seixalbo. Con este acordo, "acabamos de cumprir un dos compromisos que adquirín hai tres semanas cos veciños de Seixalbo", sinala a concelleira de Urbanismo, Sonia Ogando, quen subliña que "desde o Concello de Ourense e en concreto desde a Concellería de Urbanismo, cumprimos así coa palabra dada o pasado 13 de abril, cando me comprometín a axilizar ao máximo o trámite final para chegar a este punto, previo e imprescindible para que agora a empresa instaladora dote de fibra óptica a esta zona. Logrouse en 22 días e foi polo esforzo do persoal municipal da oficina de rehabilitación, que agradezo expresamente. Deste xeito os veciños e veciñas de Seixalbo poderán contar cunha conexión a Internet digna dos tempos actuais", asegura Sonia Ogando.

 

 

Foto de Seixalbo

O goberno municipal asume o compromiso cos veciños de Seixalbo de axilizar o trámite final para proceder á colocación de fibra óptica nese núcleo etnográfico do municipio, pero deixando claro a concelleira de Urbanismo, Sonia Ogando, que a demora en todo o proceso “non é responsabilidade do goberno municipal, senón da empresa que debería levar a cabo os traballos correspondentes, contando para iso coas necesarias licenzas”.

Foto da entrega das chaves das vivendas

Oito familias ourensás recibiron esta mañá as chaves das vivendas protexidas construídas pola Xunta de Galicia coa colaboración do Concello, no barrio de Covadonga. A conselleira de Medio Ambiente, Territorio e Vivenda, Ánxeles Vázquez e o tenente de alcalde do Concello de Ourense, Jorge Pumar, asistiron ao acto de entrega dos inmobles a outras tantas familias que previamente se inscribiran no Rexistro de demandantes de vivenda.

Axudas ARRU

Técnicas da Oficina de Rehabilitación do Concello de Ourense achegaranse aos barrios para informar das axudas ás que poden optar as persoas que desexen realizar proxectos de rehabilitación de edificios e vivendas nas áreas de rehabilitación (ARRU) da cidade. Atenderán o público o primeiro e o segundo mércores de cada mes no Centro Municipal La Molinera, na rúa do Abrevadoiro, 2, para os barrios da ARRU do Polvorín, A Carballeira e As Camelias. O terceiro e o cuarto mércores de cada mes estarán no local da Asociación Veciñal dos Rosais, na rúa da Serra Martiñá, número 44, baixo, para informar sobre a ARRU Serra San Mamede, Cruceiro Quebrado e A Inmaculada. Nos dous casos, de 10 a 14 horas, coa posibilidade de adaptar o horario en función da demanda.

Foto da xuntanza da comisión

A Concellería de Urbanismo acolleu esta mañá a reunión da comisión de traballo para elaborar unha ordenanza sobre ruídos. Presidida pola concelleira de Urbanismo, Sonia Ogando, contou coa participación de representantes das asociacións afectadas por esta problemática: a agrupación Miño, a Unión de Hostaleiros, os catro grupos políticos con representación no Concello, e a intendente da Policía Local, María Barrera. Por parte do goberno municipal participaron tamén as concelleiras de Política Social, Igualdade e Sanidade, Eugenia Díaz Abella, e Comercio e Seguridade Cidadá, María Fernández Dibuja, dado que como se defendeu desde o primeiro momento, o goberno municipal entende que a solución a este problema debe ser transversal.

Foto da xuntanza

Esta mañá celebrouse a segunda reunión da comisión de seguimento constituída o pasado 26 de novembro por iniciativa da Concellería de Política Social, Igualdade e Saúde co fin de aprobar a ordenanza que regule o consumo de alcohol nas rúas de Ourense.

Anuncio ITE 2020

En 2020 teñen a obriga de realizar a inspección técnica os edificios construídos no ano 1989. O padrón completo de edificios pode consultarse nas oficinas administrativas da Inspección Técnica de Edificacións (ITE), situadas na rúa de García Mosquera, núm. 19 e na páxina web do Concello de Ourense e Información sobre a ITE

A exposición ao público do padrón de edificios suxeitos á inspección técnica ten a consideración de notificación para as persoas interesadas, obrígaas a realizar a correspondente inspección no transcurso do ano 2020. No caso de incumprimento será considerado como infracción urbanística sancionable segundo os termos indicados na lexislación vixente.

Acto de sinatura do convenio

O alcalde en funcións do Concello de Ourense, Jorge Pumar, e a conselleira Medio Ambiente, Territorio e Vivenda, Ángeles Vázquez asinaron esta mañá unha addenda ao convenio de colaboración entre o Concello e a Consellería para a redacción do Plan Xeral de Ordenación Municipal polo que ambas administracións cofinancian nun 50% dun investimento que ascende a 1.044.000 euros.

O tenente de alcalde e a conselleira comprometeron a máxima colaboración dambas administracións co reto de que a Cidade das Burgas conte en 2020 ano cun plan xeral de ordenación municipal actualizado e acorde á normativa actual.

Xuntanza da comisión de ruídos

Na sede da Concellería de Urbanismo, foi constituída esta mañá á comisión creada pola concelleira de Urbanismo, Sonia Ogando, para buscar unha solución transversal ao problema dos ruidos no Centro Histórico. Tal e como se comprometera a concelleira de Urbanismo no pleno do pasado 4 de novembro, esta mañá foi constituído este equipo de traballo, formado por representantes de todos os grupos políticos, de asociación veciñais e de hostaleiros. A vindeira sesión de traballo será o 15 de xaneiro e, dada a importancia do asunto a tratar, estableceuse unha periodicidade quincenal para todas as reunións e poder avanzar con maior dilixencia neste traballo.

 

O Concello de Ourense, a través das Concellerías de Urbanismo e Participación Cidadá, organiza tres reunións para informar a veciñanza da convocatoria 2019-20 de axudas á rehabilitación dos elementos comúns dos edificios e dos interiores das vivendas nas ARRUs do Polvorín, Camelias e A Carballeira, e na de Serra San Mamede, Cruceiro Quebrado e A Inmaculada.