Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

O Concello de Ourense destaca a dilixencia e eficacia da Xunta para iniciar de inmediato a tramitación urbanística do proxecto conxunto da estación intermodal, tralo anuncio da Consellería de Infraestruturas e Vivenda de que iniciou hoxe o expediente para a tramitación urbanística do proxecto conxunto da estación intermodal de Ourense.

Conforme o acordo pechado o pasado martes en Madrid entre a conselleira Ethel Vázquez, o alcalde de Ourense, Jesús Vázquez, e o secretario xeral de Infraestruturas do Ministeiro de Fomento, Manuel Niño, a Xunta tramitará o proxecto desta infraestrutura a través da Lei 3/2016 de medidas en materia de proxectos públicos de urxencia ou excepcional interese.

O alcalde, Jesús Vázquez, valora este gran paso como "un éxito para a cidade, tendo en conta que se cumpre sen fisuras o acordo pechado o pasado mércores entre o Concello, a Xunta e o Ministerio de Fomento, co fin de acadar a aprobación urbanística do proxecto nun prazo áxil e poder contratar as obras"

A Xunta remitiralle o vindeiro luns ao Concello o documento técnico da infraestrutura para que o someta a información pública e emita o informe preceptivo

A estación intermodal de Ourense comprende a nova terminal de autobuses integrada na terminal ferroviaria, a adaptación da estación de ferrocarril e elementos de conexión entre barrios. Construirase, ademais un aparcadoiro subterráneo con dúas plantas e máis de 300 prazas.

Ao tratarse dunha infraestrutura non recollida nas normas urbanísticas en vigor actualmente en Ourense, a alternativa máis eficaz é a tramitación a través da dita lei para acadar así o amparo urbanístico e a seguridade xurídica nun prazo razoable.

Esa norma, aprobada pola Xunta o pasado ano, está destinada a facilitar a execución de actuacións estratéxicas que non estean recollidas nas normas urbanísticas. De acordo coa norma, a Xunta remitiralle o vindeiro luns o proxecto ao Concello de Ourense para que o someta a información pública durante un período de 20 días e, a continuación, emita o preceptivo informe municipal.

A tramitación mediante esta norma fará posible que a estación intermodal de Ourense conte nun prazo razoable co amparo urbanístico e a seguridade xurídica necesaria para iniciar a contratación das obras dos diferentes elementos que a compoñen. En concreto, a Xunta financiará o 100% da nova estación de autobuses e case o 70% do aparcadoiro subterráneo.

O inicio da tramitación urbanística conxunta da estación intermodal de Ourense supón dar un salto adiante de importancia no impulso desta  infraestrutura estratéxica, situándose nun estado de tramitación similar ao das estacións intermodais de Vigo e Santiago de Compostela.

Próximamente, presentarase en Ourense o deseño conxunto desta actuación estratéxica para a cidade.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.