Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

A catro días para o inicio das Festas de Ourense (24 de xuño ao 2 de xullo), o alcalde, Jesús Vázquez, e a concelleira de Cultura, Belén Iglesias, debullaron polo miúdo o programa dunhas festas atravesadas pola música, que empezará a soar logo do mediodía cos grupos de animación de rúa e seguirán con citas e escenarios para non perderse: “Ás 20:30 horas na praza de San martiño, ás 21:00 horas na Praza do Ferro, ás 22:30 horas na Praza Maior –coas consabidas limitacións de aforo até as 3.500 persoas por motivos de seguridade- e, pasada a media noite, as verbenas na rúa do Progreso á altura da Alameda”, resumía Vázquez Abad.

Ademais, haberá música no Street Foud, durante todas as festas na praza de Bispo Cesáreo, e no III Enofestival na traseira das Burgas. Música para todas as sensibilidades e actividades para todas as idades coma o Espazo Bebés, un lugar de experimentación e xogo libre a cargo da compañía Picapau que estará emprazado nos Xardíns do Padre Feijóo, que terá un aforo limitado (80 nenos e nenas) con idades recomendadas de 0 a 8 anos. O espazo do teatro na rúa estará localizado na Alameda, pero tamén haberá actividades escénicas na Sala Valente, para a Música e a Poesía na Praza de San Martiño.

Os ourensáns poderán visitar o Museo Municipal coa exposición Tempo, de Isabell Seidel, e os espazos expositivos de Arturo Baltar, o Claustro, e o Auditorio, no que tamén se poderá gozar do teatro. “Transformaremos o casco histórico, un ano máis, nun centro medieval co mercado, e non faltará a pirotecnia a cargo da empresa local Josman nas marxes do río Miño”, dixo.

Batalla de Flores

A Batalla de Flores quere recuperar este ano o espírito tradicional e, como novidade, modificará o seu percorrido: “Sairá da parte baixa da Alameda cara ao progreso e realizará un percorrido circular dando volta en Alférez Provisional”, puntualizaba a concelleira Belén Iglesias. Recupérase así a esencia da Batalla das flores, que era unha das actividades máis queridas das festas do Corpus.

Finalmente, o alcalde fixo un chamamento ao “sentido común, paciencia, pois estamos en festas e as festas son días de celebración e que utilicemos itinerarios que non discorran polo centro cidade sempre que sexa posible, ou alternativas coma o transporte urbano, que tamén estará debidamente sinalizado nos tramos que se vexan afectados pola celebración das festas”.

Máis información

Programa das festas de Ourense (pdf)

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.