Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello


O obxectivo desta medida é, segundo explicou Jesús Vázquez Abad, “impedir así que un partido ou outro poida bloquear algo tan elemental como garantir eses servizos”
O rexedor ourensán sinalou ante os grupos que “esta é a súa ocasión para emendar o que pasou hai apenas uns meses e construír unha liña vermella sobre este tema tan esencial para os cidadáns”


Ourense, 27 de marzo de 2018.-

No transcurso do Pleno Extraordinario celebrado esta mañá, no seu discurso final, o alcalde de Ourense deixou sobre a mesa un ofrecemento aos grupos políticos da oposición: Facer un Pacto de goberno para blindar os servizos e asistencia básica dos máis necesitados na cidade.

O obxectivo desta medida é, segundo explicou Jesús Vázquez Abad, “impedir así que un partido ou outro poida bloquear algo tan elemental como garantir eses servizos”

O rexedor ourensán sinalou ante os grupos que “esta é a súa ocasión para emendar o que pasou hai apenas uns meses (cando o PSOE e OueC negáronse a apoiar a conta 413 que permitía repoñer a partida de Asuntos Sociais e manter así os servizos e o pago a proveedores) e construír unha liña vermella sobre este tema tan esencial para os cidadáns”.

“Un pacto de goberno que será exemplar para outras cidades e que será un dos grandes alicerces da nosa. Apelo á súa responsabilidade como representantes desta cidade para que este Pacto sexa un dos grandes compromisos que poidamos lograr nestes catro anos. Apelo á súa sensibilidade cos que máis o necesitan e que esta se concrete en feitos, e non só en palabras contra o goberno desta cidade”, concluiu o alcalde.

Plan de futuro e crecemento “Ourensanamente en ti”

Jesús Vázquez avanzou tamén contidos do “Plan de futuro e crecemento para Ourense 2018-2023”, “o proxecto “Ourensanamente en ti” do que estamos francamente orgullosos. Sabemos que esta cidade ten problemas, algúns comúns a outras, por suposto, pero tamén sabemos que nós temos a nosa propia dinámica, unha calidade de vida distinta e marabillosa que temos que conservar, unha forma de vivir á ourensá que queremos poñer por riba de todo e sobre a cal elaboramos este completo plan”.

Vázquez Abad sinalou que xa adiantou un dos seus eixos: “Ourensanamente sostible” coa presentación do “Ecobarrio” a pasada semana, que situará a esta cidade á vangarda do aproveitamento enerxético, creando a primeira rede de xeotermia de Europa cun investimento de máis 20 millóns de euros e a creación de 300 empregos.

“Ourensamente en ti” contará cun total de oito eixos estratéxicos, cada un cos seus proxectos, pero nos que queremos contar coa participación activa dos veciños e veciñas.

Estes eixes son:

- Ourensamente social
- Ourensamente sostible
- Ourensanamente próxima
- Ourensanamente cultural
- Ourensamente dinámica
- Ourensanamente conectada
- Ourensamente inclusiva
- Ourensamente para todos

Logo de esbozar este plan de modelo de cidade que avanza de urbe tradicional a innovadora, cunha xestión centrada na calidade de vida das persoas e cunha administración que promove, innova e crea novos servizos, Jesús Vázquez tamén invitou aos grupos políticos a que “se sumen sen complexos ao o noso “Plan de futuro para Ourense”. Esta cidade imos seguir impulsándoa e, se vostedes queren, farémolo aínda máis rápido. Créanme que os cidadáns nolo agradecerán”, rematou o alcalde.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.