Un investimento de 27.272,86 euros permitiu o acondicionamento das instalacións do Campo da Feira para albergar o almacén de tráfico -con cargo á partida de Acondicionamento e mellora de edificios municipais, da Concellería de Servizos Xerais-. O Concello deixa así o local, en réxime de aluguer, emprazado no barrio de Vista Hermosa, e que tiña un custe aproximado de 2.000 euros mensuais: “As novas instalacións estarán rendibilizadas en menos dun ano”, asegura o concelleiro de Servizos Xerais, Manuel Álvarez, “ademais de centralizar os servizos do Concello nunha soa zona”.