Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

A concelleira de Asuntos Sociais e Xuventude Sofía Godoy visitou a horta ecolóxica social da Carballeira, posta en marcha polo Concello e Sustinea para fomentar a empregabilidade no sector da agricultura ecolóxica. Durante dúas semanas, un total de vinte alumnos e alumnas recibiron formación de carácter teórico e práctico, cun total de 50 horas, que lles permitirán buscar unha saída laboral neste sector de actividade.

A concelleira Sofía Godoy valorou moi positivamente esta acción “que permite contribuír a ese obxectivo fundamental deste Concello que é fomentar o emprego e neste caso o autoemprego, especialmente para persoas en situación ou risco de exclusión”. De feito, alumnos e alumnas que participaron nesta acción formativa manifestaron a súa intención de buscar unha saída laboral neste sector, e continuarán explotando a horta posta en marcha na Carballeira.

Esta acción está emarcada no proxecto “Un Rural para Tod@s”, que establece ferramentas para paliar a ausencia de recursos económicos e o fomento da inclusión social mediante a agricultura ecolóxica. A primeira fase do proxecto foi a recuperación e preparación do terreo abandonado que se realizou o pasado verán nun Campo de Traballo con 20 mozos e mozas de toda Europa. Coa creación dunha horta ecolóxica no medio da cidade achéganse tamén ás persoas os beneficios que supón un espazo verde para a saúde, tanto a nivel físico como psicolóxico, ao ambiente, á economía e ao tecido social do barrio.

A acción foi desenvolvida por Sustinea, unha entidade non lucrativa de actuación en todo o territorio galego que fixa o Desenvolvemento Sostible como alternativa á degradación natural e como saída ás necesidades locais.

O Concello e Sustinea colaboran na actualidade en varias accións de fomento da empregabilidade para persoas en risco de exclusión, ás que o Concello leva destinado unha achega de 10.300 euros, desde as concellerías de Asuntos Sociais, Xuventude e Igualdade. Entre elas, obradoiros sobre diferentes temáticas relacionadas coa agricultura ecolóxica e o medio ambiente con asociacións de mulleres rurais, mulleres vítimas de violencia de xénero ou asociacións veciñais, entre outras.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.