Praza Maior 1 988 388 100

Atopar
Buscador Concello de Ourense

Concello

A xunta de goberno local do Concello de Ourense acordou en xuntanza celebrada esta mañá renovar por un ano o contrato para a instalación de iluminación de Nadal na cidade. “O ano 2020 tivemos a mellor iluminación da historia de Ourense, e a de 2021 será aínda mellor”, asegura o alcalde de Ourense, Gonzalo Pérez Jácome, quen avanza que “se mellorará a calidade ao dispoñer de máis tempo para deseñar”. Neste senso, subliña, “nunca se contrataran as luces de Nadal con 11 meses de antelación”.

As luces acenderanse o día 3 decembro, por ser o venres anterior á ponte da Constitución, unha data que, avanza o alcalde “queremos institucionalizar como día de inauguración das luces para este e para os seguintes anos, xa que cremos que é a mellor para todas os nadais”.

A decisión adoptada esta mañá supón acordar a prórroga do contrato do servizo de posta en funcionamento, iluminación e retirada da iluminación do Nadal, adxudicado á empresa Iluminacións Ximénez, polo importe de 324.334,47 euros, coas mesmas melloras que a empresa ofrecera para 2020. A empresa deberá presentar, antes do día 8 de marzo, a súa nova proposta de iluminación para a cidade, que deberá ser aprobada pola xunta de goberno local. As luces estarán acendidas desde o día 3 de decembro até o 9 de xaneiro de 2022.

O Concello mantén así a súa aposta pola iluminación ornamental realizada xa no pasado Nadal, no que elevou substancialmente o investimento para mellorar en espectacularidade e calidade, e chegar a un maior número de espazos da cidade. O proxecto de iluminación incluíu un total de 2.159.343 puntos de luz, distribuídos en arcos, adornos de farois, árbores así como elementos tridimensionais (figuras de chan con motivos de Nadal). Colocáronse un total de 392 arcos nas rúas, distribuídas por diferentes puntos da cidade, 328 farois contaron con adornos e decoráronse 582 arbores. Entre rúas, parques, prazas e glorietas a decoración de Nadal chegou a 159 emprazamentos diferentes.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.