Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

A compañía vasca Kulunka, especializada en máscara expresiva representará mañá, xoves, ás 20:30 horas a súa última produción “Solitudes”, na sala principal do Auditorio. Esta é unha historia que, a través do humor, afonda na soidade e a incomunicación dos membros dunha familia.O protagonista séntese incomprendido porque, como case todos os anciáns para os que a súa vida é practicamente unha espera, xa só desexa cousas sinxelas. Cousas tan simples, que os demais non chegan a valorar a súa verdadeira importancia.

O extraordinario da historia é que o ancián -contra o que podería esperarse- non se resigna nin renuncia aos seus pequenos desexos e pelexa por eles con determinación e dignidade. Isto, claro, terá as súas consecuencias para el mesmo e para quen o rodea. A obra está protagonizada por Garbiñe Insausti, José Dault e Edu Cárcamo

A compañía Kulunka Teatro créase en en 2010, en Euskadi, por Garbiñe Insausti e José Dault, mozos mais experimentados artistas de longa traxectoria teatral. Nace da inquietude por experimentar con diferentes linguaxes escénicas, sen esquecer a idea de facer un teatro accesible para o público. Un teatro vital, actual, comprometido e conectado coa realidade. En palabras da compañía, “a nosa vontade é descubrir unha linguaxe que trascenda máis alá das palabras. Unha linguaxe capaz de emocionar e divertir”. Para elo, “apoiámonos nun teatro de xesto, no que a máscara actúa coma ponte cara unha poética visual. Elas abren as portas do imaxinario cara un mundo no que todo é posible”.

A súa primeira montaxe “André y Dorine” xirou xa por unha vintena de países en só dous anos.

Los tres cerditos

“Los tres cerditos”, o domingo. O teatro, nestre caso orientado a un público infantil e familiar volverá ao Auditorio o domingo, 26, coa representación de “Los tres cerditos”, de APP Creacións, ás 12:00h, na sala azul.

O conto escénico comeza cun lobo "feroz", encerrado no zoo. Está triste e o seu soño resulta ser un verdadeiro pesadelo. Fai saltar os barrotes da súa gaiola e pronto consegue fuxir...

Está protagonizado por Sabela Amado Rojo e Plamen Dipchikov

The Hole: cabaret, teatro, música e moitas sorpresas

A programación do Auditorio para o mes de marzo rematará cunha cita moi especial con “The Hole”, que se representará desde o 30 de marzo ata o 2 de abril. Espectáculo fresco e descarado; mestura de cabaret, teatro, burlesco, circo, música e humor, nun ton divertido, canalla, provocador e moi sensual. Unha experiencia inigualable, unha gran festa que está poñendo patas para arriba as noites de cada cidade pola que pasa, subindo a temperatura e o ánimo aos seus espectadores.

En The Hole seguen dándose cita as mellores e máis sorprendentes actuacións de artistas nacionais e internacionais. Música, suxestivos stripteases, números circenses do mellor nivel realizados por artistas invitados cunha grande traxectoria, e ata unha gran historia de amor.

As entradas para os tres espectáculos pódense adquirir en www.ataquilla.com e na billeteira do Auditorio dúas horas antes da función

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.