Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

O Consello da Cultura Galega organiza, en colaboración co Concello de Ourense, unha nova edición do Concerto das Letras Galegas que nesta ocasión viaxa á cidade auriense como homenaxe a Carlos Casares. A Real Filharmonía de Galicia e o Coro novo da Orquestra Sinfónica de Galicia interpretarán un programa integrado por música galega no que se vivirá a estrea absoluta da obra A formiga, do compositor Rubén Vizcaíno. A cita será o martes 16 de maio, ás 20:30 horas no Auditorio Municipal de Ourense. A entrada é gratuíta ata completar a capacidade da sala, previa retirada de invitación no despacho de billetes do auditorio dende as 18:30 horas ata o inicio do concerto.

Dende hai sete anos o Consello da Cultura Galega pon música á festa do 17 de maio co seu xa tradicional Concerto das Letras Galegas, que se celebra nunha localidade vinculada ao autor homenaxeado pola Real Academia Galega. Nesta ocasión recala por primeira vez na cidade de Ourense onde o seu Auditorio Municipal acollerá, grazas á colaboración do Concello de Ourense, esta cita anual da música e da palabra.

A Real Filharmonía de Galicia acompañada polo Coro novo da Orquestra Sinfónica de Galicia e baixo a dirección de Maximino Zumalave interpretará a Alborada de Pascual Veiga, Lonxe da terriña de Xoán Montes, a Cantata das cantigas de Rogelio Groba e a Suite sobre cantos populares gallegos de Enrique Granados. A elas súmase a composición A formiga, elaborada por Rubén Vizcaíno a partir dun relato de Carlos Casares.

“A formiga esquiadora” forma parte d´A galiña azul, unha das primeiras obras do escritor que relata a épica das cousas pequenas e logra a máxima expresividade con medios intencionadamente limitados. Deste xeito, Ourense vivirá a estrea absoluta dunha das poucas obras musicadas de Carlos Casares, autor nacido e profundamente ligado a esta cidade e a quen este ano se dedica o Día das Letras Galegas. O concerto será dunha hora e media aproximada de duración e contará cun intermedio.

Para o remate, a coral Ruada de Ourense subirá tamén ao escenario para interpretar o himno galego. As entradas para o concerto son de carácter gratuíto e están a disposición das persoas interesadas no despacho de billetes do auditorio de Ourense dende as 18:30 horas ata o inicio do concerto.

Actos arredor do Día da Letras Galegas

Dous días despois do recital de Ourense, o Auditorio de Galicia de Santiago de Compostela acollerá este Concerto das Letras Galegas para achegar ao público compostelán este repertorio de música galega da man, unha vez máis, da Real Filharmonía de Galicia co Coro Novo da Orquestra Sinfónica de Galicia, baixo a dirección de Maximino Zumalave. O evento terá lugar o vindeiro xoves, 18 de maio, ás 20:30 horas. A entrada é tamén gratuíta, previa retirada de invitación no despacho de billetes do Auditorio de Galicia o propio xoves dende as 18:00 horas ata o inicio do recital. Estes concertos encádranse dentro das actividades previstas polo Consello da Cultura Galega para festexar o Día das Letras Galegas, entre as que tamén destaca a reedición da obra de Carlos Casares “As laranxas máis laranxas de todas as laranxas” e con ilustracións de Luís Seoane.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.