Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

Un dos referentes da música de cámara en España – o Dúo Cassadó – actuará o mércores 7 de febreiro no Teatro Principal de Ourense cun programa ecléctico e dinámico interpretando tanto a románticos alemáns como obras de Piazzola, Bloch ou Gaspar Cassadó.

O dúo formado por Damián Martínez Marco (violonchelo) e Marta Moll de Alba (piano) leva máis de 15 anos contaxiando a súa emoción pola música clásica española ao público. Temperamento, orixinalidade e carisma son calidades dun dúo que, grazas á súa exquisita musicalidade e sensibilidade, conta co recoñecemento da crítica internacional.

Coma homenaxe a Gaspar Cassadó, un dos grandes compositores cataláns do S.XX, o dúo tomou nome e forma no ano 2000 e dende entón non parou de acaparar premios e de tocar en recitais e festivais por todo o mundo.

Tamén publicaron dous discos: Rapsodia del Sur (2014), elixido coma un dos discos do ano e galardoado co “Melómano de Oro” e Rojo (2017) que ademais inclúe a primeira gravación mundial da Fantasía Española do compositor Ernesto Halffter escrita en 1953.

Damián Martínez Marco, considerado un dos mellores violonchelistas da súa xeración foi, entre outros, recoñecido e apoiado por Mstislav Rostropovich. Marta Moll de Alba, pola súa banda, ten percorrido as salas de concertos máis prestixiosas do mundo especializándose academicamente no repertorio español e na investigación do patrimonio musical. O Dúo Cassadó foi, de feito, recomendado por Alicia de Larrocha coma o máis brillante dúo representante da música de cámara de España.

No recital que ofrecerán en Ourense, interpretarán a Sonata Arpeggione de Schubert (1797-1828) escrita un ano despois do invento deste instrumento e catro antes da morte do compositor. Obras tamén de Schumann, Ernest Bloch, Gaspar Cassadó e, pechando o programa, o Gran Tango de Astor Piazzola, peza virtuosa cunha rítmica que define o “estilo Piazzola” e que bebeu ademais das fontes do jazz e das súas síncopes.

ESCORBA AO XINGRO! (no barallete dos músicos, “Escoita ao músico!”)

Unhas horas antes do recital, ás 16.00 h no Conservatorio Profesional de Música de Ourense, o Dúo Cassadó asistirá a un encontro aberto co público no que falarán da súa experiencia como músicos de cámara e responderán ás preguntas dos asistentes. Entrada libre.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.