Praza Maior 1 988 388 100

Atopar
Buscador Concello de Ourense

Concello

O próximo 4 de novembro a 75ª edición de 'laVuelta' ciclista a España chegará a Ourense nunha etapa con meta no Seminario Maior. Esta alternativa -a meta estaba inicialmente prevista no alto da rúa Pena Trevinca, á que os ciclistas accederían logo de percorrer as rúas máis céntricas da cidade- foi proposta polo propio alcalde, Gonzalo Pérez Jácome, para cumprir coas restricións ás que obriga a pandemia da Covid19 e evitar aglomeracións no núcleo urbano.

Integrantes da organización de laVuelta desprazáronse onte para recoñecer esta alternativa in situ, que consideraron “espectacular” no plano deportivo e de retransmisión televisiva: o Seminario maior é un emprazamento ideal para observar a cidade a vista de helicóptero.

A proposta de Pérez Jácome inclúe tamén a aproximación a meta: en vez de entrar polo barrio da Ponte e percorrer o centro da cidade, o pelotón accederá á meta desde a N-120, pasando baixo as pontes máis significativas de Ourense. Ademais, os últimos 900 metros -dos case 200 km que percorrerán os ciclistas desde Lugo- contan con desniveis entre o 8% e do 9% desde o barrio de Vista Fermosa, e o trazado até o Seminario é idóneo para un emocionante final de etapa.

A organización de laVuelta considera que esta nova variante permite cumprir coas restricións sanitarias -evitar aglomeracións e público nos últimos metros- e é compatible coas necesidades da organización, xa que o campo de fútbol das instalacións do Seminario pode acoller toda a caravana ciclista.

Pérez Jácome asegura que “non hai mal que por ben non veña”: e é que Ourense, xunto con Madrid, será a única grande cidade con final de etapa, o que garante “unha notoria repercusión mediática” ao tempo que se evita calquera risco para a cidadanía. A caravana de laVuelta, pola súa banda, ten as súas propias medidas de seguridade fronte á Covid19, xa que todos os integrantes realizan probas PCR, e atravesan o país nunha sorte de 'burbulla'.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.