Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

O Auditorio Municipal acolle ata o día 16 de xuño a exposición realizada por escolares do CEIP José García García Mende co gallo das Letras Galegas 2017. A mostra, que se presentou esta mañá, réndelle homenaxe a Carlos Casares e recolle o traballo realizado por alumnos e alumnas deste centro que ilustraron tres contos da obra “Vento Ferido”, do escrito ourensán. Cada escolar elixiu un momento do libro e elaborou un gravado coa técnica da linografía, facendo a matriz e a edición no obradoiro da aula de plástica.

A concelleira de Educación, Belén Iglesias, profesorado e alumnado do CEIP Mende presentaron a exposición, que recolle un total de 14 gravados e 10 ilustracións que se poderán ver no vestíbulo da planta principal do Auditorio. Tamén leron relatos recollidos en “Vento ferido”.

A programación de actividades organizadas polo Concello de Ourense para celebrar as Letras Galegas 2017 inclúe un amplo programa de propostas destinadas a dar a coñecer a obra de Carlos Casares:

  • O venres 12, ás 20.30h, o Auditorio Municipal acollerá a estrea da adaptación da obra “Os mortos daquel verán”, a cargo de Talía Teatro.
  • O luns 15, ás 11.30h, na Praza de San Martiño haberá unha actividade escolar e a actuación de Raquel Queizás.
  • O martes 16, ás 12h, o salón de Plenos será escenario do Acto institucional en homenaxe a Carlos Casares, e ás 13.30h, nos Xardíns Bispo Cesáreo descubrirase unha placa - escultura de Xosé Cid.
    • O mesmo día, ás 20.30h, no Auditorio terá lugar o concerto Letras Galegas a cargo da Real Filharmonía de Galicia, organizado polo Consello da Cultura Galega.
  • O mércores 17, de 11h a 21h, na rúa do Paseo instalaranse postos de venda das librerías ourensás
    • Ás 11.30h, a sala Valente será punto de encontro do Roteiro Carlos Casares, e ás 12:00h acollerá a actividade infantil: Carlos Casares con maxia e música
    • Ás 13h, no Paseo (á altura da sala Valente), comezará “Cantata e fuga para Carlos Casares”, actuación musical de Emilio Rúa coas palabras de Carlos Caneiro.

Ademais, durante estes días, e ata o 21 de maio, na sala Valente está aberta ao público “Os mundos de Carlos Casares”, a exposición central sobre a figura, a obra e o tempo do autor, con máis de 500 pezas intrinsecamente ligadas á súa vida.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.