Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Concello

A Concellería de Educación do Concello de Ourense pon a disposición da comunidade educativa un total de 12 programas de actividades dirixidas ao alumnado dos colexios da cidade. A concelleira de Educación, Belén Iglesias, e o equipo técnico desta área municipal mantiveron esta mañá un encontro con directores e directoras dos centros educativos para presentarlles a programación deseñada polo Concello para o novo curso 2018/2019.

As propostas dánlle continuidade ás actividades que levan rexistrando un mellor seguimento, participación e resultados ano tras ano, e incorporan novas propostas innovadoras para tratar co alumnado de Infantil, de Primaria, e de Secundaria diferentes temáticas de actualidade e interese.

Serán temas prioritarios a educación en valores, a igualdade de oportunidades entre nenas e nenos, a prevención da violencia e do acoso escolar, o vandalismo, o abuso nas novas tecnoloxías e as súas consecuencias na ortografía do alumnado, segundo subliñou a concelleira Belén Iglesias.
Como novidades, este curso contamos con actividades como:
• Sensibilización contra o vandalismo (para alumnado de ESO)
• “Axudo a coidar a miña cidade” en colaboración con Viaqua (para Educación Infantil)
• “Scriptorium” (4º e 5º de Primaria)
• I Concurso de Ortografía
• Charlas de Alcohólicos Anónimos (para ESO e ESPO)
• “Coñécete”: programa de Educación Sexual
• Actividade: “Apadriña Unha Rúa”
• Diversidade Natural da Provincia (ESO e ESPO)
• Charlas e obradoiros sobre Incendios Forestais

O resto das actividades mantéñense aínda que varían algúns dos títulos, formatos e temáticas co obxectivo de mellorar os contidos.
O programa “Días con nome propio” refórzase para unificar todos os días sinalados que se celebrarán durante o curso escolar utilizando os distintos recursos e espazos da cidade: rúas, prazas, Escola Municipal de Música e Teatro, Bibliotecas, Auditorio, Aula da Natureza, centros de ensino, etc... como sé das actividades de conmemoración de citas como os días da música, das bibliotecas, do libro, do medio ambiente, bosques autóctonos, humidais, aves, museos, poesía, paz, árbores, biodiversidade, Día Sen coches, Día das Letras Galegas ou festivas como o Entroido.
Os 12 programas educativos (que inclúen un cento de actividades) que oferta o Concello para o curso 2018/2019 son:

Animación á lectura
Artes Escénicas na Escola
Aula da Natureza
Coñece a túa cidade
Exposicións
Educación en valores
Cursos de Formación del Profesorado
Días con Nome Propio
Educación Viaria, prevención e seguridade
Educación en Medio Ambiente
Educación en Saúde
Programa Nadal

Espectáculo de circo para celebrar o inicio do curso
A Concellería de Educación daralle a benvida ao novo curso 2018/2019 cunha actividade de inicio de curso escolar dirixida a alumnado de 1º e 2º curso de Primaria, coa representación do espectáculo circense “Ghop!”, mañá, mércores, 3 de outubro, ás 11,30 horas, na Praza de San Martiño.

Clasificación dos Indicadores de Transparencia

  PUBLICIDADE ACTIVA E INFORMACIÓN SOBRE A CORPORACIÓN MUNICIPAL:

  PUBLICIDADE ACTIVA SOBRE A PLANIFICACIÓN, ORGANIZACIÓN E PATRIMONIO DO CONCELLO:

  PUBLICIDADE ACTIVA SOBRE OS ÓRGANOS DE GOBERNO MUNICIPAIS, INFORMES E RESOLUCIÓNS XUDICIAIS:

  PÁXINA WEB DO CONCELLO E SERVIZOS MUNICIPAIS:

  PARTICIPACIÓN CIDADÁ E INFORMACIÓN DE INTERESE PARA A CIDADANÍA:

  CONTRATACIÓNS:

  CONVENIOS, ENCOMENDAS DE XESTIÓN E SUBVENCIÓNS:

  SUBMINISTRADORES E CUSTOS DOS SERVIZOS:

  VISIBILIDADE, CANLES E CARACTERÍSTICAS DO ACCESO Á INFORMACIÓN PÚBLICA:

  RECLAMACIÓNS E AVALIACIÓN DO DEREITO DE ACCESO Á INFORMACIÓN PÚBLICA:

  • Indicador 78. Procedemento para presentar reclamacións por denegación total ou parcial no exercicio do dereito de acceso á información.
  • Indicador 79. Informe de que na Web municipal está operativa e claramente visible a entidade municipal responsable ante calquera presentación de reclamacións por denegación total ou parcial no exercicio do dereito de acceso á información.
  • Indicador 80. Información estatística de datos relativos a: Número de solicitudes de acceso á información recibidas; resoltas dentro de prazo, desestimadas, en todo ou en parte; e o resumo temático xeral das solicitudes de acceso á información recibidas.