Praza Maior 1        988 388 100

Atopar
Buscador Concello de Ourense

Goberno

A Xunta de goberno, que tradicionalmente está fixada para os xoves, adiantouse esta semana ao mércores 11 de outubro dada a festividade do Día do Pilar. En total foron 11 asuntos, dos que un foi fóra da orde do día pola vía de urxencia.

Precisamente, este asunto foi referido a unha nova obra do Plan de Investimentos: o expediente para contratar a urbanización da rúa Antolín Losada Torvisco e prolongación de Bieito Amado, en Rairo. Conta cun orzamento de 1.056.501,97 euros IVE incluido.

Coa realización deste proxecto renovaranse os servizos municipais (alumeado, saneamento e abastecemento) na rúa Antolín Losada Torvisco e prolongación de Bieito Amado, así como a execución de novas beirarrúas e rehabilitación do firme da calzada. O prazo de execución será de 6 meses desde o inicio das obras.

Ábrese así o prazo para que as empresas interesadas poidan presentar as súas ofertas e concorrer así a este proceso de contratación.

No referido á Concellería de Turismo e Termalismo, aprobamos a sinatura dun convenio de colaboración entre a Axencia de Turismo de Galicia e o Concello de Ourense para a realización de obras de mellora na Oficina de Turismo. Trátase, como procede, de darlle mellores servizos e información aos visitantes.

Así, haberá melloras na accesibilidade, nomeadamente para as persoas con mobilidade reducida, haberá unha partida para impermeabilización, pois hai certos problemas permanentes de humidade no edificio, pero tamén están incluídos neste convenio axudas para equipos informáticos. De feito, estúdase a implantantación dunha pantalla táctil no exterior da oficina. Unha coma a que hai dentro, pero na parte exterior da Oficina de Turismo.

A contía do convenio será de 40.000 euros, dos que a Xunta de Galicia, a través da Axencia de Turismo de Galicia, porá 35.000 euros, e o Concello de Ourense 5.000 euros.

No que respecta a Servizos xerais, aprobouse o gasto concreto correspondente á contratación do servizo de limpeza de instalacións municipais do Concello de Ourense, adxudicado a Onet-Seralia S.A.. Os importes son de 245.025 euros para o que resta de ano 2017; de 980.100 euros para o ano 2018; e de 735.075 euros para os meses de xaneiros a setembro de 2019.

No apartado de Avogacía Consistorial, deuse conta de dúas sentencias. Por unha banda, a dictada polo Xulgado Contencioso-Administrativo num2 de Ourense, polo que se anula o decreto de nomeamento do xefe de Persoal do Concello. Dado que a sentencia non é firme e a Avogacía Consistorial considera que existen fundamentos sólidos para presentar recurso, a sentencia será recurrida.

A segunda sentencia, dictada polo Xulgado do Social num4 de Ourense, estima a diferencia salarial que solicitaba un traballador municipal do Consello Municipal de Deportes (3.174,12 euros). A sentencia non será recurrida.

Respecto a licencias de apertura, concedeuse unha para reforma e adaptación de local e apertura por actuación comunicada para supermercado na avenida de Zamora. Pasando a Disciplina Urbanística, incoouse un expediente sancionador por obras sen licencia en edificación anexa a unha vivenda en Mende, así como tamén incoouse un expediente de revisión de oficio de licencia de obra e ocupación dun inmoble na avenida de Pontevedra. No apartado de Patrimonio, desestimouse (conforme a un informe emitido polo Consello Consultivo) unha reclamación patrimonial por lesións sufridas como consecuencia dunha caída na rúa.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.