Praza Maior 1        988 388 100

Atopar
Buscador Concello de Ourense

Goberno

O 22º Festival de Cine Internacional de Ourense, que se celebrará entre os próximos 20 e 27 de outubro, contará nesta edición cunha imaxe cun estilo moi marcado, que irá en consonancia con parte da programación do Festival -sobre todo na dos focos e retrospectivas-, que se desvelará nos próximos meses.

Con esta nova imaxe deseñada por Betty Ogando, preténdese xerar un marcado contraste con relación á imaxe da pasada edición, que posuía cores moito máis escuras e agresivas. Ademais, este novo deseño tamén amosa unha das principais reflexións que xa dende a anterior edición comezou a facer o festival: a relación que teñen entre si as raíces de cada persoa e o propio concepto de identidade.

O prazo de recepción de longametraxes a concurso para participar no 22 OUFF continúa aberto ata o próximo 4 de agosto. Nesta edición, manteranse as súas dúas seccións oficiais competitivas (Operas Primas e Competencia Iberoamericana) e, ademais, contarase cun aumento na dotación económica dos premios a entregar, que chegará ata os 30.000 euros. Repartiranse, deste xeito, os seguintes premios: Calpurnia á Mellor Película da Competencia Iberoamericana (10.000 euros), Premio "Carlos Velo" á Mellor dirección da Competencia Iberoamericana (5.000 euros), Calpurnia á Mellor Película da Competencia Operas Primas (10.000 euros) e Premio do Público á Mellor Película das dúas competencias (5.000 euros).

O equipo organizativo leva meses traballando para establecer novas liñas de colaboración e aumentar considerablemente as actividades paralelas previstas para esta edición. A falta de máis incorporacións no equipo que traballará nesta edición, o Festival de Cine Internacional de Ourense contará de novo con Fran Gayo como director, Analía G. Alonso como produtora executiva, Andrea Villa como responsable de comunicación, Betty Ogando como responsable de imaxe, incorporándose nesta vixésimo segunda edición Sika Lamas como coordinadora e Andrea Franco como asesora de programación.

Novas colaboracións e alianzas para esta edición


O OUFF, que organiza o Concello de Ourense, é cada vez un evento máis atractivo para distintas institucións, entidades e empresas, polo que cada vez son máis as que se suman ao proxecto. Polo de agora, e contando tamén con varias liñas de traballo e resolucións abertas, o OUFF conta coa Deputación de Ourense, AGADIC, SGAE, Estrella Galicia, Abanca, Gas Natural Fenosa, Gadis, El Corte Inglés, Vicerreitoría do Campus de Ourense da Uvigo, La Molinera, CGAI, Filmoteca Española e Filmoteca de Cantabria entre os seus patrocinadores e colaboradores.

O festival acaba de ser elixido nas últimas semanas como un dos proxectos estatais que serán apoiados por Acción Cultural Española, AC/E cunha cantidade de 4.940€. Esta é a primeira vez que o OUFF accede a este tipo de axuda que, sen dúbida, lexitima a súa nova liña de programación e axudará a traer ata Ourense a tres convidados profesionais do sector audiovisual internacional.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.