Praza Maior 1        988 388 100

Atopar
Buscador Concello de Ourense

Goberno

O Concello de Ourense volve a integrarse, tras catro anos fóra dela, na asamblea xeral do Eixo Atlántico. Así quedou de manifesto na asemblea xeral do Eixo Atlántico, que se celebrou hoxe na localidade portuguesa de Maia.

“A cooperación é a clave do Eixo Atlántico, e o feito de que Ourense volva a integrarse na súa asamblea significa que os intereses dos veciños e veciñas da nosa cidade será sempre parte fundamental na toma de decisións desta agrupación territorial e política”, sinalou o alcalde, Jesús Vázquez Abad.

Na sesión desta mañá, a asamblea do Eixo Atlántico aprobou un segundo paquete de infraestruturas que complemente a liña do Minho xa en obras ou en proceso de contratación con prazo de finalización finais de 2019 e as conexións pendentes na parte galega.

Este paquete prioriza a conexión Ferrol A Coruña, e as conexión ferroviarias dos portos, como eixos principais en Galicia que complementen a saída sur de Vigo e a “T deitada”, Ourense-Lugo, Monforte-Palencia sobre os cales xa vén traballando con ambos os ministerios desde fai máis dun ano.

No caso concreto do tramo Ourense-Lugo e unha vez que xa están en curso os procedementos para a súa electrificación e supresión de pasos a niveis, así como que en breve se abrirá ao servizo a variante da Pobra de San Xiao exporase ao Goberno as variantes de Monforte Rubián e Os Peares sen as cales non haberá mellora dos tempos.

Na parte portuguesa aprobouse exporlle ao Goberno a conexión de Braga o bypass coa liña do Miño aproveitando a canle que permanece reservadopara o tren de alta velocidade o que convertería a Braga en estación de paso cara a Galicia no canto do actual fondo de saco. Tamén se aprobou propor a conexión ferroviaria da liña do Miño co aeroporto Sá Carneiro, e a interconexión da liña do Vale do Vouga coa liña ferroviaria do norte cunha parada no Europarque.

PROGRAMA DE ACTUACIÓNS

A asemblea do Eixo, que contou coa participación do ministro de Ambiente do goberno portugués, Matos Fernandes, no acto de peche, aprobou o programa para 2018 e un orzamento que ascende a 4.652.722 euros.

Entre as principais actuacións do programa aprobado destacan o desenvolvemento do plan de acción da Axenda Urbana aprobada no Congreso de Braga, que constituirá un excelente catálogo de accións para candidatar aos fondos comunitarios.

Así mesmo acordouse impulsar a través da RIET (Rede Ibérica de Entidades Transfronteirizas), que preside o alcalde de Viana do Castelo e membro do Eixo Atlántico, a elaboración dun novo tratado de cooperación bilateral entre España e Portugal que constitúa un novo marco xurídico para impulsar a cooperación.

Tamén se acordou o impulso á política de cohesión no ámbito europeo a través da Rede C4C (cidades pola cooperación) da que forma parte o Eixo Atlántico. Neste ámbito aprobouse apoiar o desenvolvemento da cooperación transfronteiriza en América Latina a través das organizacións que pediron asesoramento ao Eixo Atlántico: Bripaem, Observatorio de Fronteira Uruguai Arxentina.

Tamén no ámbito das iniciativas estratéxicas impulsarase a adecuación e mellora do Camiño Portugués de Santiago e unha acción concertada co Goberno para loitar contra os incendios.

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.