Praza Maior 1        988 388 100

Atopar
Buscador Concello de Ourense

Goberno

Ourense, 17 de setembro de 2018.

O alcalde de Ourense, Jesús Vázquez, deu a coñecer este luns no “Fórum Europa. Tribuna Galicia” o seu modelo de cidade, denominado “Ourensanamente”, un proxecto “universal e moi noso ao mesmo tempo, un modelo que sitúa ás persoas como principio e fin” e que quere facer realidade no período comprendido entre 2019 e 2023.

Durante a súa intervención, o rexedor ourensán reafirmou a súa decisión de presentarse de novo como candidato aos comicios locais como “o alcalde do sentidiño”, cun proxecto baseado no sentido común, que permita “proxectar unha cidade na que caben todos e todos participan” e na que os políticos sexan “servidores da cidadanía que deposita en nós a súa confianza”.

Ante un nutrido auditorio no que estaban presentes, entre outros, o presidente da Xunta, Alberto Núñez Feijóo; o presidente da Deputación Provincial, Manuel Baltar; así como conselleiros e representantes de diferentes entidades, asociacións e organismos de Ourense, Vázquez detallou o seu modelo de cidade “Ourensanamente” dividido en oito eixes estratéxicos, dende o ámbito social, cultural, ecolóxico e participativo.

Neste proxecto cobran vida os principais proxectos promovidos no seu mandato, dende o Centro Interxeracional que hoxe mesmo abriu as súas portas; o primeiro Parque Inclusivo de Galicia, ou a iniciativa “Ourense, capital termal intelixente”, que pretende impulsar a economía a través do turismo; até o proxecto do Ecobarrrio de A Ponte, unha proposta de ámbito europeo e pioneira en España, baseada no aproveitamento enerxético da xeotermia.

Pero esta proposta tamén incidirá na preocupación porque Ourense conte co “Primeiro pacto social de goberno local” que garanta medidas de protección social para os cidadáns “goberne quen goberne” (e que foi rexeitado polos grupos da oposición do actual mandato municipal); na modernización do comercio e a promoción da economía local, ou a creación dunha estratexia de promoción turística, entre outros aspectos.

O rexedor reivindicou que nos seus primeiros tres anos de mandato un dos seus principais obxectivos foi “captar inversións para Ourense”, e que froito deste esforzo estase a vivir “o período inversor máis importante e intenso da Historia de Ourense, no que só do Goberno do Estado están pendentes 700 millóns de euros”.

Pero tamén recordou que estes pasos foron posibles a pesares do “bloqueo sistemático” da oposición. “Nun goberno en minoría, a maioría é a oposición. a oposición de gobernos en minoría como é o noso caso, torpedea a actividade institucional dunha forma escandalosa, impedindo que se aproben actuacións, propostas, proxectos de avance e ata os orzamentos municipais, desde que chegamos ao goberno”.

O rexedor mostrou a súa esperanza nun cambio de postura e insistiu en que non parará no seu empeño de seguir “tendendo pontes, como as que nos ten deixado a historia na nosa cidade”.

Na súa intervención, o presidente da Xunta Alberto Núñez Feijóo, destacou que o alcalde de Ourense “non elude o compromiso de gobernar en situación precaria”. Así, Núñez Feijóo recordou que o rexedor ourensán goberna en condicións de “minoría absoluta” ao tempo que debe facer fronte a “personalismos grotescos” noutros partidos locais, referíndose a Jesús Vázquez Abad como un alcalde que non elude o compromiso de gobernar nunha situación precaria e que lle gusta insistir en que sempre se poden facer mellor as cousas .

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.