Praza Maior 1        988 388 100

Atopar
Buscador Concello de Ourense

Goberno

O Concello de Ourense vén de abrir o prazo de inscrición para as Actividades de Verán 2017 para nenos e nenas de Infantil e Primaria nos Centros Cívicos. Este ano por vez primeira, estarán organizadas polas concellerías de Asuntos Sociais, Sanidade e Igualdade. “O obxectivo básico é que os nenos e nenas se divirtan, se relacionen e aprendan convivindo con outros rapaces e rapazas no marco do centro cívico”, resume a concelleira Sofía Godoy. O prazo para anotarse estará aberto desde o venres 16 de xuño, até o venres 23 de xuño.

As actividades irán encamiñadas a educar e concienciar os nenos e nenas no consumo responsable e na alimentación saudable: reciclaxe, etiquetaxe dos alimentos, publicidade e comercio xusto. Ademais haberá obradoiros de coeducación, educación non sexista e dos dereitos da Infancia.

Tamén se pretende que as actividades sexan unha forma de axudar as familias a conciliar a vida laboral e familiar neste período de vacacións que ampliará o horario das actividades: de 9:00 horas a 13:30 horas para as familias que o desexen nalgún dos centros de maior afluencia.

Cómo anotarse

As actividades son gratuítas, e para anotarse hai que cubrir unha solicitude nos Centros Cívicos ou na Oficina de Atención Cidadá e entregala no Rexistro do Concello entre o 16 e o 23 de xuño de 2017 (ambos incluídos).

O criterio de selección será o seguinte: estar empadroado no Concello, entregar a solicitude en prazo e ter concedida algunha das quincenas de preferencia antes de que se poida gozar dunha segunda. A admisión nas quincenas será por orde de entrada no Rexistro Xeral do Concello.

Horarios

As actividades realizaranse nos centros cívicos de: Colón, A Cuña, A Ponte, As Termas e Seixalbo durante os meses de xullo e agosto de 2017. Serán de luns a venres e os horarios van de 9:00 a 13:30 horas dependendo do centro. Vanse dividir en quincenas do seguinte xeito:

  • Do 3 ao 14 de xullo
  • Do 17 ao 31 de xullo
  • Do 1 ao 16 de agosto
  • Do 17 ao 31 de agosto

 

O Concello de Ourense facilita a través deste formulario a comunicación directa entre a cidadanía e o Alcalde

Lin e acepto a política de privacidade
O Concello de Ourense como responsable desta Web tratará os datos carácter persoal que proporcione a través deste formulario. A finalidade da recollida e tratamento dos datos persoais que lle solicitamos é para dar resposta á pregunta realizada por vostede ao Alcalde. A lexitimación realizase a través do consentimento do interesado, sendo necesaria a confirmación dos datos por parte do interesado como medida de verificación de os datos aportados.
Informámoslle que os datos que nos facilite estará localizados nos servidores do propio Concello e nos servidores de Arsys Internet, S.L. (Arsys) con domicilio social en C/ Chile nº 54, 26007 Logroño (La Rioja) España, empresa que proporciona o servizo de correo ao Concello de Ourense. Ver política de privacidade de Arsys
O feito de que non introduza os datos de carácter persoal que aparecen no formulario como obrigatorios terán como consecuencia que non podamos atender a súa solicitude.
Poderá exercer os seus dereitos de rectificación, limitación e supresión de datos mediante solicitude realizada ante o Concello de Ourense, solicitude que poderá presentarse segundo as formas previstas no artigo 16.4 da Lei 39/2015 de 1 de outubro. Tamén poderá exercer o dereito a presentar unha reclamación ante unha autoridade de control. Pode consultar a información adicional e detallada sobre Protección de Datos na nosa política de privacidade.